19 мая: эпідэміялагічная сітуацыя ў Бешанковіцкім раёне

Адбылося чарговае пасяджэнне раённага штаба па прадухіленні завозу і распаўсюджвання каронавіруснай інфекцыі на тэрыторыі Бешанковіцкага раёна.

     На пасяджэнні адзначана, што на 19 мая 2020 года эпідэміялагічная сітуацыя ў Бешанковіцкім раёне характарызуецца спецыялістамі як стабільная і прагназуемая. Так як выпадкі заражэння COVID-19 у апошні час з'яўляюцца адзінкавымі (па апошніх дадзеных у рэгіёне зарэгістравана 70 выпадкі заражэння каронавірусам, 57 чалавек ўжо ачунялі), асноўная ўвага лекараў на дадзены момант накіравана на лячэнне хворых на пнеўманію.

     Па стане на 19 мая колькасць такіх пацыентаў складае 43 (з іх 2 з станоўчым тэстам на каронавірус), 17 мая хворых з дыягназам "пнеўманія" было 45 (2). Па словах старшыні раённага выканаўчага камітэта Г.У.Унуковіч, сёння асноўная задача - прадухіліць рост захворвання, тым самым знізіўшы нагрузку на лекараў. Гэта стане магчымым, калі кожны жыхар раёна будзе ўважліва ставіцца да свайго здароўя.

   Не грэбуйце мерамі прафілактыкі заражэння каронавірусам:

- насіце ў грамадскіх месцах ахоўную маску;

- захоўвайце сацыяльную дыстанцыю;

- дэзінфіцыруйце і мыйце рукі;