Бешанковіцкі раённы выканаўчы камітэт

Адрас райвыканкама: 211361, Віцебская вобласць, г.п. Бешанковічы, вул. Чуклая, 13

Тэлефон прыёмнай: 8 (02131) 6-42-45

E-mail: priemnay@beshenkovichi.gov.by

Бешанковіцкі райвыканкам Бешанковіцкі Раённы Дом культуры Палац Храптовічаў Курган Славы
Бешанковіцкі райвыканкам
Бешанковіцкі райвыканкам
Бешанковіцкі
Раённы Дом культуры
Палац Храптовічаў
Курган Славы
29 мая 2020

Беларускае Таварыства Чырвонага Крыжа аказалі дапамогу Бешанковіцкай бальніцы

Пра тое, што медыкі сёння маюць патрэбу ў дапамозе і падтрымцы, ведаюць усе. Штодня, сутыкаючыся тварам да твару з небяспечнай хваробай, медработнікі строга выконваюць меры бяспекі і старанна экіпіруюцца маскамі, пальчаткамі і халатамі. Запас гэтых ахоўных сродкаў неабходна пастаянна папаўняць. У гэтым дапамагае мноства неабыякавых людзей, працоўных калектываў і грамадскіх аб'яднанняў.

Беларускае Таварыства Чырвонага Крыжа не засталося ў баку ад праблемы барацьбы з COVID-19. РА БТЧК сумесна з УАЗ «Бешанковіцкая ЦРБ», упраўленнем па працы, занятасцi i сацыяльнай абароне райвыканкама, ТЦСАН выпрацаваны механізм узаемадзеяння па аператыўным рэагаванні на сітуацыю, звязаную з каронавіруснай інфекцыяй. Вядзецца пастаянны маніторынг патрэбаў ў сродках індывідуальнай абароны, мыйных і дэзінфіцыруючых сродках, неабходных для ўстаноў аховы здароўя, сацыяльнай абароны і валанцёраў Чырвонага Крыжа.

     Па стане на 20 траўня, у Бешанковіцкі раён толькі праз РА БТЧК паступілі сродкі індывідуальнай абароны на суму 2922 рубля. Валанцёры грамадскага аб'яднання перадалі ў рукі медыкаў ЦРБ сто касцюмаў-камбінезонаў медыцынскага прызначэння, столькі ж ахоўных распіратараў, шчыткоў для твару, геляў для рук, а таксама больш за сотню флаконаў вадкага мыла і дзвесце аднаразовых пальчатак. Дапамога ў выглядзе пальчатак і геляў для рук аказана пастаяльцам і сацработнікам аддзялення кругласутачнага знаходжання пажылых грамадзян і інвалідаў ТЦСАН.

     Для аказання дапамогі лячэбным установам у перыяд пандэміі ў працоўных калектывах арганізацый і прадпрыемстваў раёна арганізаваны збор членскіх узносаў і ахвяраванняў шляхам пералічэння на разліковы рахунак: Віцебская абласная арганізацыя Беларускага Таварыства Чырвонага Крыжа, УНП 300201908, р / с BY31BLBB30150300201908001001 ў Дырэкцыі ААТ «Белінвестбанка» па Віцебскай вобласці (BIC) BLBBBY2X.

     - Сёння ўжо сабрана 900 беларускіх рублёў. У асноўным гэта грашовыя сродкі ўстаноў адукацыі, - распавяла старшыня раённай арганізацыі БТЧК В.П.Жыгалкіна. - Мы дзякуем усім, хто прыняў удзел, і хто яшчэ далучыцца да збору сродкаў для медыкаў і сацыяльных работнікаў, якія выконваюць свае прафесійныя абавязкі ў гэтых няпростых умовах.
"Зара"

Інтэрнэт-рэсурсы