ДАІ патрабуе ўключаць блізкае святло!

Напярэдадні летніх канікул з 25 мая па 5 чэрвеня ў рэспубліцы пройдзе спецыяльнае комплекснае мерапрыемства "Увага - дзеці!», асноўная задача якога - прафілактыка дзіцячага дарожна-транспартнага траўматызму, прывіцце юным удзельнікам дарожнага руху навыкаў бяспечных паводзін на дарогах, прыцягненне ўвагі вадзіцеляў, бацькоў і педагогаў да праблемы дзіцячага траўматызму.

    У перыяд правядзення СКМ супрацоўнікамі ДАІ будуць праведзены рэйды на дарогах па прадухіленню парушэнняў Правілаў дарожнага руху дзецьмі, а таксама вадзіцелямі транспартных сродкаў асабліва ў месцах, дзе размешчаны ўстановы адукацыі.

   Акцэнтуем увагу на тым, што ў гэты перыяд усе транспартныя сродкі абавязаны перасоўвацца з уключаным блізкім святлом фар або дзённымі хадавымі агнямі. За невыкананне гэтага патрабавання Правілаў прадугледжана адміністрацыйная адказнасць у выглядзе штрафу да 2-х базавых велічынь (ст.18.14 ч.3 Кодэкса аб адміністрацыйных правапарушэннях Рэспублікі Беларусь).