Бешанковіцкі раённы выканаўчы камітэт

Адрас райвыканкама: 211361, Віцебская вобласць, г.п. Бешанковічы, вул. Чуклая, 13

Тэлефон прыёмнай: 8 (02131) 6-42-45

E-mail: priemnay@beshenkovichi.gov.by

Бешанковіцкі Бешанковіцкі райвыканкам Палац Храптовічаў Раённы Дом культуры Курган Славы
Бешанковіцкі
Бешанковіцкі райвыканкам
Палац Храптовічаў
Раённы Дом культуры
Курган Славы
28 лютага 2020

Масленічныя гулянні пройдуць на цэнтральнай плошчы ў Бешанковічах

     Масленіца славіцца не толькі шырокімі сталамі з сытнымі блінамі, але і масавымі народнымі гуляннямі. У Бешанковічах самае доўгачаканае, смачнае і яркае свята пройдзе ў нядзелю, 1 сакавіка, на цэнтральнай плошчы. Урачыстае адкрыццё мерапрыемства, прысвечанага провадам зімы, запланавана на 11 гадзін.

     Тут жыхары і госці райцэнтра змогуць пачаставацца смачнымі блінамі і гарачым чаем, паўдзельнічаць у гульнявых і спартыўных праграмах, паслухаць выступленні творчых калектываў. У праграме таксама выставы дэкаратыўна-прыкладной творчасці, конкурс на лепшае масленічнае пудзіла. Святочны гандаль на плошчы арганізуюць не толькі прадстаўнікі райспажыўтаварыства, але і індывідуальныя прадпрымальнікі.

    Але гэта яшчэ не ўсё. Як вядома, 1 сакавіка заканчваецца рэспубліканская акцыя «Адзіны дзень бяспекі». Таму ў рамках святкавання Масленіцы на цэнтральнай плошчы будзе арганізавана работа інтэрактыўных пляцовак раённага аддзела па надзвычайных сітуацыях, Бешанковіцкага аддзялення Дэпартамента аховы МУС, гаргазу і цэнтральнай раённай бальніцы. Такім чынам будуць падведзены вынікі дэкады бяспекі.

Інтэрнэт-рэсурсы