29 мая 2020
У Бешанковічах з'явіўся прыпынак з правіламі бяспекі
Навучыць людзей бяспецы - задача няпростая. Але работнікі МНС пастаянна шукаюць новыя формы работы ў гэтым напрамку.
Адзін з найбольш эфектыўных і маляўнічых відаў прапаганды - брэндзіраванне прыпынкаў. Бо кожны дзень вялізная колькасць пасажыраў карыстаюцца паслугамі транспарту. Такі нестандартны выгляд рэкламы прыцягвае ўвагу як дзяцей, так і дарослых.
Нядаўна работнікі раённага аддзела па надзвычайных сітуацыях «ўдыхнулі новае жыццё» ў прыпынак, размешчаную ў цэнтры гарпасёлка (каля гандлёвага аб'екта «Капеечка»). Цяпер ён служыць не толькі для чакання грамадскага транспарту, але і цалкам можа стаць свайго роду дапаможнікам ў вывучэнні дзеянняў у выпадку ўзнікнення пажару.
