Адрас райвыканкама: 211361, Віцебская вобласць, г.п. Бешанковічы, вул. Чуклая, 13
Тэлефон прыёмнай: 8 (02131) 6-42-45
E-mail: priemnay@beshenkovichi.gov.by
Глядзельная зала цэнтра культуры была напоўнены атмасферай вясновага настрою, ўсмешкамі, радасцю гледачоў, большую частку якіх складалі жанчыны.
Ад імя раённага выканаўчага камітэта і раённага Савета дэпутатаў павіншаваў усіх са святам старшыня раённага Савета дэпутатаў Г.М.Шведов.
Генадзь Міхайлавіч адзначыў, што многія прадстаўніцы раёна штогод дамагаюцца значных поспехаў у розных сферах дзейнасці.
Сярод іх:
Мамойка Людміла Пятроўна, кіраўнік сельгаспрадпрыемства «Свіціна-ВМК», стала лаўрэатам абласнога этапу рэспубліканскага конкурсу "Жанчына года-2019» у намінацыі «Гаспадыня сяла»;
Гайдукова Ірына Пятроўна, аператар машыннага даення з ЗАТ «АСБ-Агра Наватар», на ўрачыстай цырымоніі ўшанавання лепшых жывёлаводаў Віцебшчыны адзначана ганаровай граматай Віцебскага аблвыканкама;
Морозова Алена Васільеўна, карэспандэнт раённай газеты "Зара», стала лепшай у вобласці па асвятленні ў СМІ дзейнасці органаў унутраных спраў;
Курмель Галіна Мікалаеўна, бібліятэкар Вярхоўскай сельскай бібліятэкі, якая названа лепшай сельскай бібліятэкай вобласці.
У нашым раёне сёння пражываюць 161 шматдзетная мама. Прычым 25 з іх выхоўваюць чацвярых, шэсць - пецярых дзяцей. Самай вялікай шматдзетнай сям'ёй раёна з'яўляецца сям'я Аксаны Мікалаеўны Лукашэвіч, якая разам з мужам выхоўвае семярых дзяцей.
18 выдатных прадстаўніц нашага раёна ўзнагароджаны Ордэнам Маці, 16 - сталі лаўрэатамі прэміі імя Героя Савецкага Саюза Зінаіды Тусналобавай-Марчанка.
Пасля афіцыйнай часткі свята работнікі Бешанковіцкага раённага цэнтра культуры падарылі ўсім прысутным канцэрт-віншаванне "Незвычайная».
Гледачы ўбачылі выступленні на любы густ - выступленні народных і ўзорных калектываў, харэаграфічныя і вакальныя нумары, тэатральныя пастаноўкі.
Вядучыя на працягу ўсяго канцэрту адорвалі выдатную палову чалавецтва кранальнымі вершаванымі радкамі і цёплымі віншаваннямі.