Бешанковіцкі раённы выканаўчы камітэт
Адрас райвыканкама: 211361, Віцебская вобласць, г.п. Бешанковічы, вул. Чуклая, 13
Тэлефон прыёмнай: 8 (02131) 6-42-45
E-mail: priemnay@beshenkovichi.gov.by
Адрас райвыканкама: 211361, Віцебская вобласць, г.п. Бешанковічы, вул. Чуклая, 13
Тэлефон прыёмнай: 8 (02131) 6-42-45
E-mail: priemnay@beshenkovichi.gov.by
У мінулы аўторак у РЦК інфармацыйна-прапагандысцкая група пад кіраўніцтвам намесніка старшыні райвыканкама М. А. Заблоцкага сустрэлася з працоўным калектывам Тэрытарыяльнага цэнтра сацыяльнага абслугоўвання насельніцтва.
Нагодай для сустрэчы стаў будучы перапіс насельніцтва. Да старту гэтай важнай кампаніі, дзякуючы якой мы даведаемся, колькі ж нас на самой справе, засталося роўна два тыдні (перапіс пройдзе з 4 па 30 кастрычніка). Як адзначыў Мікалай Анатольевіч, падрыхтоўка да правядзення перапісу насельніцтва вялася ў раёне на працягу апошніх двух гадоў. Актыўна працавала часовая раённая камісія па садзейнічанні перапісу насельніцтва. Шмат зроблена па ўпарадкаванні адраснай гаспадаркі, праверцы назваў вуліц, нумарацыі дамоў і кватэр, рэалізаваны шэраг іншых мерапрыемстваў.
— Зараз галоўнае — атрымаць дакладныя звесткі пра кожнага жыхара раёна, — абазначыў задачу М. А. Заблоцкі. — Бо яны будуць пакладзены ў аснову прыняцця найважнейшых рашэнняў у эканамічным і сацыяльным жыцці рэгіёна і краіны ў цэлым. Вынікі перапісу дазволяць нам планаваць працу нашай эканомікі на бліжэйшыя 10 гадоў.
Важная асаблівасць надыходзячага перапісу — магчымасць для грамадзян прайсці яго самастойна з дапамогай інтэрнэту. На гэта ўвагу сацыяльных работнікаў звярнула начальнік аддзела статыстыкі Бешанковіцкага раёна галоўнага статыстычнага ўпраўлення Віцебскай вобласці Н. М. Клімовіч. Безумоўна, такая мера значна спросціць працу часовага перапіснога персаналу і адначасова дазволіць ахапіць большую колькасць апытваемых асоб.
Падчас сустрэчы таксама абмеркавалі пытанні аховы мацярынства і дзяцінства, асноўныя моманты выбараў у Палату прадстаўнікоў Нацыянальнага сходу Рэспублікі Беларусь.
