Бешанковіцкі раённы выканаўчы камітэт

Адрас райвыканкама: 211361, Віцебская вобласць, г.п. Бешанковічы, вул. Чуклая, 13

Тэлефон прыёмнай: 8 (02131) 6-42-45

E-mail: priemnay@beshenkovichi.gov.by

Палац Храптовічаў Раённы Дом культуры Курган Славы Бешанковіцкі Бешанковіцкі райвыканкам
Палац Храптовічаў
Раённы Дом культуры
Курган Славы
Бешанковіцкі
Бешанковіцкі райвыканкам
1 красавіка 2020

У чытальнай зале Бешанковіцкай цэнтральнай раённай бібліятэкі адкрылася незвычайная выстава «Цэгла роднага краю»

   Цікавую калекцыю сабраў мясцовы гісторык-краязнаўца Станіслаў Пятровіч Леаненка.

     Усе цагліны былі вырабленыя ў нашай мясцовасці ў ХVIII і XIX стагоддзях на розных заводах. У тыя далёкія часы пры кожным буйным маёнтку была свая цагельня.

     Падарожнічаючы па розных населеных пунктах Прыдзвіння, у тым ліку па закінутых вёсках, дзе не засталося жыхароў, а пустыя хаты сталі нямымі сведкамі гісторыі, Станіслаў Пятровіч стаў збіраць цагліны з разбураных печаў і звярнуў увагу на разнастайнасць будаўнічых матэрыялаў мінулых гадоў.

     Так паступова і з'явілася цэлая калекцыя, якая ўключае больш за 42 экспанаты, якія адрозніваюцца сваімі памерамі, формамі, колерам. Многія экспанаты маюць сваё ўласнае кляймо ў выглядзе літары, характэрнае для завода-вытворцы. Напрыклад, цагліна, якая мае кляймо з літарай «Б», была выраблены на Бешанковіцкім заводзе.

     На многіх цаглінах захаваліся сляды жывёл і адбіткі пальцаў рук людзей.

     Такую незвычайную выставу варта наведаць кожнаму.

Інтэрнэт-рэсурсы