18 кастрычніка 2019
У УАЗ «Бешанковіцкая ЦРБ» нядаўна з'явіўся новы УГД-апарат
Даступнасць, бязбольнасць і абсалютная бясшкоднасць. Такімі якасцямі валодае новы УГД-апарат
SonoScape S20 Pro, які не так даўно з'явіўся ў УАЗ «Бешанковіцкая ЦРБ». Лекары і пацыенты не хаваюць
радасных эмоцый з гэтай нагоды, бо дзякуючы суперсучаснай тэхніцы значна пашырыліся дыягнастычныя магчымасці.
- Новы апарат S20 Pro распрацаваны спецыяльна для паўнавартаснай дыягностыкі сардэчна-сасудзістых, гінекалагічных і іншых захворванняў, - расказала доктар-УГД, урач-оталарынголаг бальніцы А.В.Леўшунова. - Дзякуючы звышдакладныя даследаваннях мы можам атрымаць дадзеныя, якія будуць спрыяць эфектыўнаму лячэнню і хутчэйшаму выздараўленню пацыентаў.
Апарат УГД SonoScape валодае чатырма датчыкамі, абсталяваны сэнсарным дысплеем, што дае магчымасць «паглядзець» амаль усе органы і сістэмы чалавека. Працуючы на гэтым апараце, спецыяліст без асаблівых цяжкасцяў справіцца з усімі пастаўленымі дыягнастычнымі задачамі, прычым не толькі якасна, але і хутка.
Жадаючым абследаваць сардэчна-сасудзістую сістэму і шчытападобную залозу дапаможа ўрач-тэрапеўт А.М.Бабоед. УГД органаў брушыны і нырак, мачавога пухіра і сасудаў шыі ажыццяўляе А.В.Леўшунова, А.М. Домкін дыягнастуе гінекалагічныя захворванні.
Даследаванні праводзяцца як на платнай, так і на бясплатнай аснове. У сярэднім за дзень кабінет УГД наведваюць 30 чалавек.
