З 20 снежня дзяржаўная лясная ахова Бешанковіцкага лясгаса перайшла на ўзмоцнены рэжым працы

З 20 снежня дзяржаўная лясная ахова Бешанковіцкага лясгаса перайшла на ўзмоцнены рэжым працы. Бо з набліжэннем святаў расце спакуса абзавесціся елкай хутка і бясплатна, але незаконна.

Пра тое, хто хоча набыць лясную прыгажуню, не патраціўшы на гэта ні рубля, спрабавалі высветліць падчас патрулявання населеных пунктаў і тэрыторый ляснога фонду з наяўнасцю іглічных маладнякоў, насаджэнняў, якія прымыкаюць да аўтамабільных дарогах, старшы інспектар па адміністрацыйнай практыцы аддзялення АДАІ РАУС Ю.М.Раманаў, інспектар па ахове і абароне лесу ДЛГУ «Бешанковіцкі лясгас» Г.А.Велічынскі і карэспандэнт «Зары».

Першы пост быў заняты паблізу павароту ў населены пункт Дукоўшчына на трасе Сянно-Бешанковічы-Ушачы. Інспектары спынялі кожную машыну, якая праязджае, каб выявіць незаконную высечку і провозку елак. Прыемна, што ўсе, каго ўдалося праверыць, былі «чыстымі». Крыху пазней мы пачулі гук трактара ў лесе недалёка ад праезнай часткі. Інспектары паспяшаліся туды. Трактар быў з прычэпам. Праўда ні ялін, ні дроў у ім выяўлена не было. З мужчынам была праведзена прафілактычная гутарка.

Далей мы адправіліся на аўтатрасу Гарадок-Ула-Камень, дзе таксама праводзілі дагляд кожнага праязджаючага міма аўтамабіля. Усе аўтааматары без праблем дэманстравалі багажнікі сваіх транспартных сродкаў, каб правяраючыя пераканаліся, што яны не займаюцца незаконнай провозкай навагодніх дрэў.

Рэйдавыя мерапрыемствы будуць працягвацца. Нагадваем, што ў кожным лясніцтве маюцца фоталавушкі, таму парушальнікі будуць узятыя прама на месцы альбо па гарачых слядах. Калі вас зловяць за рубкай драўняна-хмызняковай расліннасці, будзьце гатовыя выплаціць штраф у памеры ад 5 да 50 базавых велічынь.

"Зара"