Навіны раёна

Зусім хутка пачнецца новы навучальны год. Аднак ёсць бацькі, у якіх няма магчымасці ў поўнай меры падрыхтаваць сваіх дзяцей да школы. Такая сітуацыя перш за ўсё складваецца ў сацыяльна слабых сем'ях, якія знаходзяцца ў цяжкай жыццёвай сітуацыі. У 2018 году, напрыклад, дзякуючы падтрымцы жыхароў Беларусі дапамогу да школы атрымалі 8 726  хлопчыкаў і дзяўчынак, якія мелі ў гэтым патрэбу.

- З 1 жніўня па 15 верасня Беларускае Таварыства Чырвонага Крыжа праводзіць рэспубліканскую дабрачынную кампанію «Зберым дзяцей у школу!», - распавяла старшыня Бешанковіцкай РА БТЧК В.П.Жыгалкіна. - Гэтай акцыі ўжо некалькі гадоў, з кожным годам ўдзел у ёй прымаюць усё больш неабыякавых да чужых праблем людзей.

У межах кампаніі прымаецца дапамогу ў грашовым і натуральным выглядзе. Сёння школьнікам неабходныя адзенне, абутак, любыя канцтавары, а таксама заплечнікі і спортінвентар.

Калі ў вас ёсць пытанні, якія тычацца дабрачыннай кампаніі «Зберым дзяцей у школу!», іх можна задаць В.П.Жыгалкінай, патэлефанаваўшы па тэлефоне 8 (033) 612-38-26.

"Зара"