Навіны раёна

  Конкурс праводзіцца ў намінацыі «Наш агульны дом», у якой прадстаўляюцца нарысы, артыкулы, рэпартажы, агляды, замалёўкі, нататкі і каментарыі аб асцярожным стаўленні да прыроды, навядзенні парадку на зямлі, добраўпарадкаванні тэрыторый населеных пунктаў, абыходжанні з адходамі, ахове водных рэсурсаў, атмасфернага паветра, жывёльнага і расліннага свету, укараненні новых тэхналогій у галіне аховы навакольнага асяроддзя, захаванні помнікаў прыроды і іншыя матэрыялы па пытаннях аховы навакольнага асяроддзя і рацыянальнага выкарыстання прыродных рэсурсаў.

     У конкурсе прымаюць удзел фізічныя асобы ў наступных катэгорыях:

  -навучэнцы;

  -аматары;

  -прафесіяналы.

   Да ўдзелу ў конкурсе дапускаюцца работы, апублікаваныя ў перыядычных друкаваных выданнях у перыяд з 15 мая папярэдняга года да 15 мая года, у якім праводзіцца конкурс, і выкананыя ў адпаведнасці з пунктамі 6-7 сапраўднай Інструкцыі.

  Кожная работа, што прадстаўляецца на конкурс, суправаджаецца інфармацыйным лістом ўдзельніка конкурсу з указаннем намінацыі, катэгорыі, прозвішча, уласнага імя, імя па бацьку (калі такое маецца) і ўзросту аўтара, паштовага адраса і тэлефона.

   Конкурсныя работы павінны быць прадстаўлены ў выглядзе газетнай або часопіснай выразкі альбо ў выглядзе рукапіснага або друкаванага тэксту з абавязковым указаннем назвы перыядычнага друкаванага выдання, у якім гэтая праца была раней апублікаваная, нумары і даты выпуску.

   Кожная работа, прадстаўленая на конкурс, павінна мець толькі аднаго аўтара.

   Асоб, якія вырашылі прыняць удзел у конкурсе, просім да 15 мая накіроўваць работы ў Бешанковіцкую раённую інспекцыю прыродных рэсурсаў і аховы навакольнага асяроддзя па адрасе: 2113561, Віцебская вобласць, г.п.Бешанковічы, вул.Камуністычная, 10 з пазнакай "На рэспубліканскі конкурс на лепшую публікацыю на экалагічную тэматыку».