Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Бешанковіцкі раённы выканаўчы камітэт
Галоўная / / Навіны / / Навіны раёна

Навіны раёна

20 жніўня 2019 года

Першымі тысячу тон збожжа намалацілі наватарскія камбайнеры У.Пяхота і А.Нячай

Моманту, калі ў раёне вызначыцца першы экіпаж-тысячнік, з нецярпеннем чакалі ўсе, для нас жа, журналістаў, дадзеная падзея стала выдатнай інфармацыйнай нагодай для напісання ледзь не самага важнага матэрыялу жніўня. У пятніцу, пасля абеду, у рэдакцыі раздаўся званок: «Усё, яны гэта зрабілі! Малайцы! Едзем віншаваць!», – словы старшыні райкама прафсаюза работнікаў АПК Я. С. Фіешкі паклікалі нас у дарогу. На поле паблізу вёскі Задарожжа (тут свае апошнія тоны адправіў у бункер тысячны экіпаж) мы адправіліся разам з першым намеснікам старшыні райвыканкама С. Г. Акуневічам. У складзе «дэлегацыі» з райцэнтра былі таксама спецыялісты ўпраўлення райсельгасхарчу.

Першымі тысячу тон збожжа намалацілі камбайнеры ЗАТ «ААБ-Агра Наватар» Уладзімір Валер’евіч Пяхота і Антон Пятровіч Нячай. У тым, што менавіта гэты экіпаж дасягне доўгачаканай мэты першым, ніхто не сумняваўся. З пачатку ўборачнай кампаніі менавіта гэтыя земляробы былі нязменнымі лідарамі жніва. Следам за Пяхотам і Нячаем ідуць таксама наватарскія камбайнеры Мікалай Аляксандравіч Мічтоў і Юрый Алегавіч Аксёнаў, да запаветнай тысячы тон ім на той момант не хапала зусім мала, а ўжо ўчора стала вядома, што яны здолелі ўзяць тысячны рубеж.

Пакуль арганізатары выязнога мерапрыемства рыхтаваліся да правядзення ўрачыстасці, Уладзімір Пяхота (на жаль, яго напарнік Антон Нячай адсутнічаў у гэты дзень па ўважлівай прычыне) на магутным «КЗСе» паспеў зноў напоўніць бункер збожжам. І вось аб’яўляецца кароткі перапынак. С. Г. Акуневіч і Я. С. Фіешка павіншавалі хлебароба з працоўнай перамогай і ўручылі яму падарункі.
Да ўшанавання тысячніка далучыліся і ўдзельнікі ансамбля народнай песні «Весялуха». Артысты выканалі для віноўніка ўрачыстасці песню. Толькі падпяваць камбайнеру не было калі: шэптам паспелых каласоў яго клікала ніва.

– У полі мы не сапернічаем, а стараемся працаваць адной камандай, – кажа Уладзімір Валер’евіч. – Усе ж працуем на агульны вынік!
А яго ў гаспадарцы, нягледзячы на складаныя ўмовы надвор’я, чакаюць нядрэнным. На ўчарашні дзень наватарцы намалацілі 9106 тон збожжа, ураджайнасць складае 36 цэнтнераў з гектара, пакуль гэта лепшы паказчык па раёне.

"Зара"

Вярнуцца