Навіны раёна

З 20 па 28 лістапада ў Бешанковічах пройдзе фестываль праваслаўнай культуры «Кладзезь». Яго арганізатарам выступіў Свята-Елісавецінскі манастыр (г. Мінск) пры падтрымцы Бешанковіцкага раённага выканаўчага камітэта, з блаславення архіепіскапа Віцебскага і Аршанскага Дзімітрыя. Урачыстае адкрыццё мерапрыемства адбудзецца ў сераду, 20 лістапада, у 12 гадзін у раённым цэнтры культуры.

У рамках фестывалю на розных пляцоўках гарпасёлка будуць прадстаўлены духоўна-асветніцкія праекты:

- «Праваслаўныя святыні роднага краю»: гутарка і відэа-прэзентацыя па тэме «Праваслаўныя іконы Божай Маці» з кандыдатам культуралогіі Наталляй Шчарбаковай;

- «Жывое слова»: «Пра шкоду брыдкаслоўя», «Як мы жывем?» (сустрэча з манашкай Марыяй (Літвінавай);

- «Педагогіка і праваслаўе": духоўна-маральныя аспекты прафесіі настаўніка (сустрэча з манашкай Марыяй (Літвінавай);

- «Пераадоленне»: «Чаму мы хварэем?», «Ці ёсць сэнс у пакутах?» (сустрэча з манашкай Марыяй (Літвінавай);

- «АГУЛЬНАЯ СПРАВА»: праўда пра алкагольную і наркатычную залежнасць (сустрэча з протаіерэем Дыянісіям Пясецкім);

- «Спявай, душа, спявай!": канцэрт паэта, аўтара-выканаўцы, празаіка Таццяны Дашкевіч;

- «Навошта чалавеку старасць?»: сустрэча з насельніцамі Свята-Елісавецінскага манастыра;

- «У гасцях у казкі»: прадстаўленне лялечнага тэатра «Батлейка» (спектаклі «Аднавухі заяц», «Матылёк і Сонца») для дзяцей ад 5 гадоў;

- Майстар-класс "Казачны свет ценявога тэатра»;

- Майстар-класы майстроў дэкаратыўна-прыкладнога мастацтва з Бешанковічаў;

- «Добрае кіно" для вучняў школ.

На працягу васьмі дзён у раённым цэнтры культуры будзе дзейнічаць выстава-кірмаш. Тут можна набыць вырабы майстэрняў Свята-Елісавецінскага манастыра: царкоўнае начынне, іконы; духоўна-асветніцкую літаратуру, праваслаўныя календары; кераміку ручной працы; сувеніры і вырабы з дрэва, шкла і скуры, падушкі з грэчкі; травяныя зборы і бальзамы, вырабленыя па старадаўніх рэцэптах ў спалучэнні з сучаснымі распрацоўкамі (фітабальзамы, сіропы, мазі); мыла ручной працы, скрабы; мёд, пяргу і многае іншае.

Сродкі, сабраныя падчас працы выставы-кірмашу, пойдуць на справы міласэрнасці: дапамога шматдзетным сем'ям, адзінокім, якія хварэюць; будаўніцтва дома для бяздомных на падворку манастыра. Час працы выставы-кірмашу: з 10 да 19 гадзін. Уваход вольны.

"Зара"