Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Бешанковіцкі раённы выканаўчы камітэт
Галоўная / / Навіны / / Навіны раёна

Навіны раёна

9 верасня 2019 года

У ДУ «ТЦСАН Бешанковіцкага раёна» ў «Школе сацыяльнага работніка» прайшоў занятак "За бяспеку разам»

У рамках рэспубліканскай акцыі "Адзіны дзень бяспекі» ў навучальных установах і працоўных калектывах раёна праводзяцца розныя прафілактычныя мерапрыемствы з мэтай навучання насельніцтва бяспечным паводзінам. На адным з іх пабывала карэспандэнт «Зары».
У рамках акцыі ў ДУ «ТЦСАН Бешанковіцкага раёна» ў «Школе сацыяльнага работніка» адбыўся навучальна-прафілактычны занятак "За бяспеку разам».
З калектывам цэнтра сустрэўся інспектар дарожна-патрульнай службы АДАІ Бешанковіцкага РАУС А.В.Зубец. Аляксандр Васільевіч падрабязна спыніўся на праблемах бяспечнага руху пешаходаў і веласіпедыстаў, нагадаў яшчэ раз аб неабходнасці абазначэння сябе флікерамі ў цёмны час сутак і належнай камплектацыі двухколавага транспарту. Таксама інспектар даў поўныя тлумачэнні па пытаннях слухачоў і адзначыў важнасць строгага захавання ПДР.
Далей слова далі намесніку начальніка Бешанковіцкага РАНС А.У.Салаўёву. Андрэй Уладзіміравіч паведаміў статыстычныя дадзеныя па пажарах і гібелі на іх людзей, распавёў, якія мерапрыемствы рэгулярна праводзіць пажарная служба па папярэджанні надзвычайных сітуацый, навучанню людзей дзеянням ва ўмовах НС і г.д. Ратавальнік паказаў, як карыстацца вогнетушыцелем і аўтаномным пажарным апавяшчальнікам. Інспектар групы прапаганды і ўзаемадзеяння з грамадскасцю РАНС Д.С.Берасцень правяла ў аддзяленні дзённага знаходжання для інвалідаў прафілактычную размову, прапанавала наведвальнікам занятак на логіку і прагляд фільма ад МНС.
На мерапрыемства таксама запрасілі лекара-псіхіятра УАЗ «Бешанковіцкая ЦРБ» А.І.Скрэбло. Доктар закранула тэмы, якія асабліва актуальныя для работнікаў сацыяльнай абароны. 10 верасня з'яўляецца Сусветным днём прадухілення самагубстваў, і як бы сумна ні гучала, але гэтая праблема тычыцца і нашага раёна. Алена Іванаўна распавяла прысутным пра асаблівасці ў паводзінах будучага суіцыдніка, як сябе паводзіць, каб прадухіліць непапраўнае, і дала слушныя рэкамендацыі ў працы з людзьмі, якія пакутуюць ад дэменцыі.
Вярнуцца