Вы надзейныя партнёры аграрыяў нашага рэгіёна, якія павялічваюць плошчу сельскагаспадарчых угоддзяў і павышаюць урадлівасць глебы. Дзякуючы вашай працы сотні гектараў зямлі ўключаны ў гаспадарчы абарот. Правільна праведзеная меліярацыя паляпшае водны і цеплавы рэжым глебы, павышае ўраджаі і робіць больш устойлівай сельскагаспадарчую вытворчасць.

На Бешанковіцкім прадпрыемстве меліярацыйных сістэм змянілася не адно пакаленне рабочых, спецыялістаў, кіраўнікоў, але нязменнымі засталіся прафесіяналізм, уменне не адступаць перад цяжкасцямі і якасна выконваць меліярацыйныя работы.

Перакананыя, што меліяратары Бешанковіччыны і надалей будуць годна вырашаць задачы, якія стаяць перад імі.

З нагоды прафесійнага свята жадаем усім меліяратарам моцнага здароўя, дабрабыту, дабра і працвітання. Няхай цешыць зробленае і дасягнутае, а поспех вянкае ўсе вашы імкненні.

Галіна Унуковіч, старшыня раённага выканаўчага камітэта.
Генадзь Шведаў, старшыня раённага Савета дэпутатаў.