Прыміце шчырыя віншаванні з Днём міру!

Мір — вельмі шырокае паняцце, якое ўключае ў сябе магчымасць займацца любімай справай, спакой за родных і блізкіх, упэўненасць у заўтрашнім дні.
Мы, беларусы, добра ведаем яго цану, бо па нашай зямлі не раз пракатваліся разбуральныя войны, якія прыносілі з сабой смерць і незлічоныя пакуты людзям. Таму мы не забываем тых, хто ў барацьбе абараняў свабоду і незалежнасць нашай Радзімы, памятаем і шануем памяць абаронцаў Айчыны.
Беларускі народ заўсёды выступае за мір і стабільнасць, бо без міру няма будучыні. Гэта свята нагадвае кожнаму з нас аб узаемнай павазе, міласэрнасці, спачуванні, неабходнасці быць памяркоўнымі і клапаціцца аб заўтрашнім дні. Мір на зямлі паміж людзьмі і народамі асабліва актуальны цяпер, калі ў розных кутках планеты гінуць мірныя людзі, сярод якіх нявіNNыя дзеці, жанчыны і старыя. Сёння як ніколі важна памятаць аб каштоўнасці міру на зямлі і рабіць усё магчымае для яго захавання.

Няхай гэты вераснёўскі дзень прынясе ў вашы дамы цяпло, сагрэе сэрцы. Жадаем усім жыхарам Бешанковіччыны моцнага здароўя, шчасця і дабрабыту. Няхай у вашых дамах будуць мір і згода, а неба — бязвоблачным і чыстым.

З павагай,

Галіна УНУКОВІЧ, старшыня раённага выканаўчага камітэта.

Генадзь ШВЕД, старшыня раённага Савета дэпутатаў.