Атмасфера, прасякнутая глыбокай павагай да подзвігу продкаў, панавала падчас мітынгу ля Кургана Славы. Месца, якое стала сімвалам доблесці і самаадданасці пакаленняў, сабрала жыхароў раёна, моладзь і прадстаўнікоў улады.

З пранікнёнымі словамі віншаванняў да прысутных звярнуліся ганаровыя госці. Кіраўнік раёна Галіна Унуковіч падкрэсліла важнасць захавання гістарычнай праўды і перадачы памяці пра гераізм нашага народа будучым пакаленням. Ваенны камісар Бешанковіцкага і Шумілінскага раёнаў Андрэй Савіч нагадаў пра воінскія традыцыі і патрыятычны доўг. Ад імя моладзі з кранальнай прамовай выступіла першы сакратар РК ГА «БРСМ» Юлія Палозава, запэўніўшы прысутных у гатоўнасці маладога пакалення свята шанаваць подзвіг пераможцаў.

Завяршыліся святочныя мерапрыемствы яркім канцэртам, які адбыўся ў раённым цэнтры культуры. Тут жа працавалі тэматычныя пляцоўкі прадпрыемстваў, арганізацый і ўстаноў раёна.

У глядацкай зале РЦК у паветры вітала асаблівая атмасфера – трапяткая, урачыстая і адначасова поўная гонару за подзвіг нашых продкаў. Кожны музычны нумар, кожнае слова, прамоўленае са сцэны, было прасякнута глыбокай павагай і безмернай удзячнасцю тым, хто цаной неверагодных намаганняў адстаяў мірнае неба над галовамі будучых пакаленняў!

"Зара"