«Беларусь суверэнная: ад аднаўлення народнай гаспадаркі да інавацыйных праектаў будучыні»: адзіны дзень інфармавання прайшоў на базе РУЦ «Лес»
Перад працоўнымі калектывамі РУЦ «Лес» і Бешанковіцкага лясгаса выступіла старшыня райвыканкама Галіна Унуковіч.
Кіраўніца раёна асвяціла галоўную тэму мерапрыемства, расказаўшы прысутным пра шлях развіцця, які прайшла наша краіна ад пасляваеннага аднаўлення і да сучасных дасягненняў і перспектыў.
У фокусе ўвагі былі тэмы забеспячэння харчовай бяспекі, касмічнай індустрыі, магутнага прамысловага комплексу, інавацыйнай сістэмы аховы здароўя і дасягнення энергетычнай незалежнасці, што ў выніку дазволіла Беларусі заняць годнае месца на сусветнай арэне.
Начальніца ўпраўлення па працы, занятасці і сацыяльнай абароне райвыканкама Алена Аўчыннікава азнаёміла працоўныя калектывы з перавагамі дадатковай назапашвальнай пенсіі, нагадала аб аказанні дапамогі да школы за кошт уласных і дзяржаўных сродкаў сем'ям работнікаў прадпрыемства.
Размова ішла і пра добраўпарадкаванне: начальнік аддзела архітэктуры і будаўніцтва, ЖКГ райвыканкама Яўген Кандраценка расказаў пра правілы ўтрымання зямельных участкаў, іх своечасовы абкос.
Галоўны ўрач райбальніцы Святлана Рошчына акцэнтавала ўвагу на важнасці дыспансерызацыі, своечасовай вакцынацыі ад грыпу.
Свет велізарны, а Беларусь у нас адна. Такім быў галоўны пасыл сустрэчы. Памятаць пра сваю Радзіму. Шанаваць і берагчы мірнае неба над галавой, клапаціцца пра сваё здароўе і пра блізкіх.