Беларускі аграпрамысловы тыдзень пройдзе з 7 па 11 чэрвеня 2022 года
Міжнародныя спецыялізаваныя выстаўкі "БЕЛАГРА-2022" , "БЕЛФЕРМА", "БЕЛПРАДУКТ", «ПРАДМАШ. ХАЛАД. УПАК» пройдуць у Мінску ў рамках Беларускага аграпрамысловага тыдня з 7 па 11 чэрвеня 2022 года.
Азнаёміцца з перадавымі напрамкамі ў развіцці раслінаводства, жывёлагадоўлі і птушкагадоўлі, сучаснымі тэхналогіямі перапрацоўкі, пакавання і захоўвання прадукцыі, а таксама разнастайнасцю сельгастэхнікі можна будзе на новай пляцоўцы у выставачным цэнтры Кітайска-Беларускага індустрыяльнага парка «Вялікі Камень».
Гэты аграрны форум традыцыйна збірае разам не толькі беларускіх аграрыяў і работнікаў харчовай і перапрацоўчай прамысловасцей, але і іх замежных калег і партнёраў.
Калектыўныя экспазіцыі прадставяць Міністэрства сельскай гаспадаркі і харчавання Рэспублікі Беларусь, Міністэрства прамысловасці, Нацыянальная акадэмія навук Беларусі, Канцэрн «Белгаспашпрам», Белкаапсаюз.
Усіх, хто як-небудзь датыкаецца да сельскай гаспадаркі, цікавіць, што новага з'яўляецца на рынку і над чым працуюць інжынеры-машынабудаўнікі. Якія новыя тэхналогіі прымяняюцца ўжо сёння, і што чакаць заўтра. Што сёння яшчэ з'яўляецца ідэяй, і што мы ўжо ў бліжэйшы час убачым у новай сельгастэхніцы. На ўсе гэтыя пытанні можна знайсці адказ, наведаўшы «Белагра». Больш за 200 узораў сучаснай тэхнікі, якая прымяняецца ў сельскай гаспадарцы, будзе прадстаўлена на адкрытай пляцоўцы выстаўкі.
Шырока будзе прадстаўлена тэхніка для ўнясення ўгнаенняў і абароны раслін, для ўборкі збожжавых і нарыхтоўкі кармоў, машыны для меліяратыўных работ, вырошчвання і ўборкі бульбы, цукровых буракоў і іншых агародніны. Сельскагаспадарчая прадукцыя, машыны, абсталяванне будуць дэманстравацца ў тэхналагічным ланцужку з сучаснымі энергазберагальнымі тэхналогіямі ўсіх галін, звязанымі як з вытворчасцю прадукцыі, так і з яе перапрацоўкай, транспарціроўкай, захоўваннем і рэалізацыяй.
Экспазіцыя выставы «Белферма» прадэманструе апошнія дасягненні ў галіне жывёлагадоўлі. Кармушкі для жывёл і абсталяванне для іх утрымання, клеткавае абсталяванне і інкубатары, аўтаматызаваныя ўстаноўкі для малочна-таварных ферм. На выставе таксама можна будзе азнаёміцца з аўтаматызаванай сістэмай кіравання статкам; даільнымі ўстаноўкамі розных мадыфікацый; малакаахаладжальнымі ўстаноўкамі, як стацыянарнымі, так і перасоўнымі для працы на пашах. Тут пакажуць новыя кормы і кармавыя дабаўкі, ветпрэпараты і медыкаменты, новыя тэхналогіі ў біяэнергетыцы, у тым ліку энергетычнае абсталяванне і яго праграмнае забеспячэнне.
Штогод вялікую цікавасць як у спецыялістаў, так і ў маленькіх наведвальнікаў выставы выклікае наведванне «Рыбацкай вёскі», арганізаванай ДВА «Белводгас».
Штогод «Белагра» становіцца адной з галоўных пляцовак для дзелавых перамоваў. Шырокае кола пытанняў па забеспячэнні канкурэнтаздольнасці сельгаспрадукцыі, выкарыстанні зямельных рэсурсаў з пункту гледжання экалагічнай і эканамічнай эфектыўнасці, перспектывы супрацоўніцтва Беларусі з краінамі блізкага і далёкага замежжа ў сферы вытворчасці інавацыйных тэхналогій у галіне сельскай гаспадаркі, а таксама іншыя актуальныя пытанні можна будзе абмеркаваць у ходзе тэматычных канферэнцый і семінараў.
Праграма выставы напоўнена В2В сустрэчамі, практычнымі дэманстрацыямі, прэзентацыямі, майстар-класамі і конкурсамі.
У дні выставы пройдуць усенародны дэгустацыйны Конкурс «Чэмпіён густу», «Конкурс на лепшую племянную карову», Конкурс «Лепшы конь», Конкурс «Лепшы араты», выстава сельскагаспадарчых жывёл, дэманстрацыйныя паказы тэхнікі і іншыя мерапрыемствы.
Па традыцыі акцэнт будзе зроблены на інавацыях «Белагра-2022». Акрамя традыцыйных экспанатаў, будуць прадэманстраваны інавацыйныя прадукты, перадавыя рашэнні і тэхналогіі.
Не застанецца па-за ўвагай наведвальнікаў «Тарговы гарадок», які будзе ўяўляць сабой своеасаблівую выставу дасягненняў харчовай прамысловасці і кірмаш-продаж прадуктаў харчавання. Госці гандлёвага мястэчка «Белагра - 2022» змогуць набыць лепшыя прадукты, якія выпускаюцца айчыннымі прадпрыемствамі харчовай прамысловасці.
Маляўнічае афармленне экспазіцый, прэзентацыі і дэгустацыі прадукцыі, «горад майстроў», кірмаш-продаж і выступленні творчых калектываў зробяць выставу яркім, запамінальным святам для ўсіх наведвальнікаў.
Міжнародная спецыялізаваная выстаўка «Белагра-2022» пройдзе з 7 па 11 чэрвеня у выставачным цэнтры Кітайска-Беларускага індустрыяльнага парка «Вялікі камень», размешчаным у 25 км ад Мінска і 6 км ад Нацыянальнага аэрапорта (Смалявіцкі раён, пр. Пекінскі, 29).
Уваход на выставу бясплатны.
Па пытаннях удзелу ў выставе можна звярнуцца да арганізатараў – ЗАТ «Мінскэкспа»: тэл/факс +375 17 351 98 87, эл. пошта: belagro@telecom.by, zvezdina@minskexpo.com.
Сачыць за абнаўленнямі інфармацыі аб выставе можна на сайце і ў сацыяльных сетках: facebook і instagram