11 лютага 1942 года тут абарваліся жыцці 1068 нашых землякоў — старых, жанчын, дзяцей, якія загінулі ад рук фашыстаў…

Удзел у памятным мерапрыемстве прыняла і Ганна Клімовіч, стваральніца валанцёрскага праекта «Beshеnkovichi Shtetl Memorial Restoration». Для яе, як і для ўсіх нас, гэта месца — святое.

«Тут хочацца ціха ўспамінаць. Мы рэдка ўспамінаем аб тых, хто адышоў у іншыя дні. Але добра, што ёсць гэты дзень, — падкрэсліла Ганна Клімовіч. — Мне неверагодна важна, што не толькі мы, сем'і, але і Бешанковічы памятаюць гэтых людзей».

Наш святы абавязак — захоўваць памяць, змагацца супраць любога апраўдання нацызму і ніколі не забываць аб ахвярах генацыду беларускага народа.

"Зара"