Кіраўнік ведамства разам са старшынёй райвыканкама Галінай Унуковіч пабываў на палях ААТ «ПалітаддзелецАгра», СУП «Вядзярава», Ульскага каледжа і ЗАТ «АСБ-Агра Наватар», дзе азнаёміўся з арганізацыяй веснавых палявых работ.

У размове з кіраўнікамі гаспадарак Юрый Горлаў падкрэсліў, што кожны дзень вясенняй кампаніі мае вялізнае значэнне, і нарошчванне тэмпаў работ пры абавязковым захаванні якасці з'яўляецца першачарговай задачай. Гэты падыход закліканы максімізаваць патэнцыял кожнай культуры, нягледзячы на магчымыя капрызы надвор'я.

Пры гэтым, вялікую ролю, на думку міністра, у дасягненні пастаўленай мэты адыгрывае ўзаемавыручка. Толькі падстаўляючы адзін аднаму плячо, гаспадаркі могуць разлічваць на вынік. Трэба адзначыць, у нашым раёне такая практыка ёсць. Скончыўшы работы на сваіх палях, аграрыі перакідаюць тэхніку туды, дзе яна вельмі патрэбна.

!У цэнтры ўвагі апынуліся і пытанні гатоўнасці машынна-трактарнага парку да сяўбы. Знаходзячыся на мехмайстэрні ЗАТ «АСБ-Агра Наватар», Юрый Горлаў спыніўся на тэме, якая датычыцца закупкі запчастак. У прыватнасці, размова ішла аб неабходнасці выкаранення неабгрунтаванага пасрэдніцтва. Такім з'яўляецца даручэнне Прэзідэнта.

"Зара"