У інтэрнаце дзяржаўнай установы адукацыі «Улльскі дзяржаўны ліцэй сельскагаспадарчай вытворчасці імя Даватара» у аграгарадку Улла Бешанковіцкага раёна ратавальнікі правялі акцыю «Дзень бяспекі. Увага ўсім!».

     Супрацоўнікі Бешанковіцкага раённага аддзела па надзвычайных сітуацыях падрыхтавалі для жыхароў інтэрната цікавае і вельмі незвычайнае мерапрыемства. Расказалі ім пра міжнародны дзень грамадзянскай абароны, а таксама нагадалі, што неабходна зрабіць, пачуўшы сігнал «Увага ўсім!».

     Ратавальнікі правялі інтэрактыўную гутарку «Сакрэт бяспекі», нагадалі пра правілы бяспечных паводзін у выпадку ўзнікнення надзвычайнай сітуацыі, расказалі, што рабіць, калі здарыўся пажар на кухні. А дзякуючы інтэрактыўным пляцоўкам, якія былі прадстаўлены ратавальнікамі ў холе інтэрната, жыхары больш падрабязна даведаліся пра знакі эвакуацыі, правілы паводзін падчас пажару, а таксама змаглі

папрактыкавацца ва ўстаноўцы аўтаномных пажарных апавяшчальнікаў.

    Самых актыўных удзельнікаў работнікі Міністэрства па надзвычайных сітуацыях заахвочвалі памятнымі прызамі.