Будзьце асцярожныя на водах!

З наступленнем устойлівага летняга надвор'я і дарослыя, і дзеці імкнуцца як мага больш часу правесці, адпачываючы ля вадаёмаў. Каб адпачынак не быў азмрочаны, варта памятаць і выконваць простыя правілы бяспечных паводзін.

Карыстацца вадой варта толькі ў спецыяльна абсталяваных месцах – пляжах рэк і азёр.

Падчас адпачынку ля вады катэгарычна забараняецца:

– заплываць за буі, агароджы і папераджальныя знакі;

– скакаць у ваду з дамбаў, прыстаняў, катэраў, лодак;

– купацца і ныраць у месцах, дно якіх вам невядома;

– узбірацца на буі і іншыя тэхнічныя збудаванні;

– падаваць ілжывыя сігналы бедства;

– плаваць на лодках і катамаранах без выратавальных сродкаў;

– купацца ў стане алкагольнага ап'янення.

Калі падчас плавання ў вас узнікла сутарга, трэба неадкладна выйсці з вады. Калі няма такой магчымасці, неабходна змяніць стыль плавання – плыць на спіне і па магчымасці паклікаць на дапамогу.

Дарослым, якія прыйшлі на адпачынак з дзецьмі, варта пастаянна кантраляваць знаходжанне свайго дзіцяці ў непасрэднай блізкасці з ім – на адлегласці выцягнутай рукі.

На тэрыторыі Бешанковіцкага раёна афіцыйна дазволеным месцам для купання з'яўляецца зона адпачынку «Чыстыя сажалкі». Тут арганізавана купанне пад наглядам ратавальнікаў АСВОД, праверана і ачышчана дно акваторыі пляжу. Таксама ў раёне ёсць прыватны пляж на возеры Пушкары. Тут адпачынак ля вады таксама максімальна бяспечны. Ратавальнікі і відэакамеры пільна за гэтым сочаць.

Аднак, як адзначаюць ратавальнікі і работнікі міліцыі, грамадзяне часта выбіраюць для адпачынку найбліжэйшы да іх дома

вадаём, а  таксама дазваляюць сабе купанне ў нецвярозым стане. Менавіта такія вадаёмы і трапілі ў поле зроку ўдзельнікаў рэйдаў у мінулыя выхадныя. Як вынік – 6 адміністрацыйных пратаколаў за парушэнне адміністрацыйнага заканадаўства, у тым ліку і за знаходжанне ля вады, у грамадскім месцы - у нецвярозым стане.

Выратавальнікі заклікаюць усіх грамадзян быць максімальна ўважлівымі ля вады, не купацца ў нецвярозым стане і ў неабарудаваных месцах і ні ў якім разе не пакідаць дзяцей ля вады без нагляду!