02.04.2025

Кіраўніцтва Бешанковіцкага раёна віншуе з Днём яднання народаў Беларусі і Расіі

Паважаныя жыхары Бешанковіцкага раёна!
Шчыра і сардэчна віншуем вас з Днём яднання народаў Беларусі і Расіі!

Гэтае свята сімвалізуе непарушную сувязь братэрскага сяброўства, культурныя, духоўныя і маральныя каштоўнасці, якія аб'ядноўваюць беларусаў і расіян. Гісторыя неаднаразова даказвала: толькі разам Беларусь і Расія здольныя годна адказаць на любыя выклікі і пагрозы.

Сёння, калі міжнародная супольнасць перажывае складаны час канфліктаў і крызісаў, наша адзінства мае асобую каштоўнасць.

Саюз нашых дзяржаў, пабудаваны на ўзаемным даверы і разуменні, з гонарам праходзіць выпрабаванне часам. Сумесна вырашаны многія пытанні, звязаныя з забеспячэннем роўных правоў беларусаў і расіян у сферах працаўладкавання, адукацыі, медыцыны, выбару месцаў знаходжання і жыхарства. Беларусь і Расія з адзіных пазіцый разам умацоўваюць абараназдольнасць і бяспеку Саюзнай дзяржавы.

У гэты знакавы для народаў Беларусі і Расіі дзень жадаем усім моцнага здароўя, міру, дабра, аптымізму і дабрабыту!

Галіна УНУКОВІЧ, старшыня раённага выканаўчага камітэта.

Генадзь ШВЕДАЎ, старшыня раённага Савета дэпутатаў.