27 ліпеня 2022
Старшыня Бешанковіцкага райвыканкама Галіна Унуковіч правяла чарговы асабісты прыём грамадзян
27 ліпеня асабісты прыём грамадзян правяла старшыня раённага выканаўчага камітэта Галіна Унуковіч.
З просьбай аказаць садзейнічанне ў вырашэнні пытання, якое датычыцца афармлення ва ўласнасць пустуючага шматкватэрнага дома ў Бешанковічах, да кіраўніка раёна звярнулася сям'я з райцэнтра. Як высветлілася, дом, пра які ідзе гаворка, ужо пераведзены ў разрад нежылых, зараз па замове «Бешанковіцкага камунальніка» вырабляецца тэхнічны пашпарт, на падставе апошняга будзе зроблена ацэнка кошту будынка. Пасля чаго яно можа быць выстаўлена на аўкцыён.
Галіна Уладзіміраўна даручыла паскорыць падрыхтоўку неабходных дакументаў. Увесь пакет мусіць быць сабраны да 1 верасня.
