Супрацоўнікі Бешанковіцкага АДАІ дапамаглі аўталедзі

У дні моцных маразоў, неспрыяльных умоў надвор'я Дзяржаўтаінспекцыя арыентавана на аказанне дапамогі ўдзельнікам дарожнага руху, якія трапілі ў цяжкія сітуацыі.

   Супрацоўнікі ДАІ па ўсёй рэспубліцы аказваюць дапамогу пешаходам і вадзіцелям, якія ўчынілі вымушаныя прыпынкі на аўтадарогах. Інспектары дапамагаюць у буксіроўцы забытай або зламаных аўто, адаграваюць кіроўцаў у службовых аўтамабілях. Гатовыя заўсёды прыйсці на дапамогу і Бешанковіцкім праваахоўнікі.

   У рэдакцыю звярнулася жыхарка аграгарадка Камоскі, Святлана Міхайлаўна Надзёжка. У адзін з марозных студзеньскіх дзён, калі пасля працы жанчына вярталася дамоў разам з дзецьмі, у яе на выездзе з гарпасёлка заглух аўтамабіль. Па шчаслівай выпадковасці ў гэты час трапіўшым ў бяду сустрэўся экіпаж ДАІ, які ладзіў свой звычайны маршрут патрулявання. Дзяржаўтаінспектары спыніліся і прапанавалі сваю дапамогу. Высветліўшы прычыну вымушанага прыпынку аўтамабіля (як аказалася, замёрз паліўны фільтр), яны яе аператыўна ліквідавалі. І мама з дзецьмі ў суправаджэнні дзяржаўтаінспектараў паспяхова дабралася да дома.