21 студзеня ва УАЗ "Бешанковіцкая цэнтральная раённая бальніца" адбылася выніковая медыка-санітарная рада, удзел у працы якой прынялі старшыня Бешанковіцкага раённага выканаўчага камітэта Галіна Уладзіміраўна Унуковіч і галоўны спецыяліст аддзела арганізацыі медыцынскай дапамогі галоўнага ўпраўлення па ахове здароўя Віцебскага абласнога выканаўчага камітэта Ірына Валер'еўна Міхеенка.

На парадак дня былі вынесены вынікі работы Бешанковіцкай цэнтральнай раённай бальніцы за 2021 год і задачы на ​​2022-ы, а таксама арганізацыя ў 2021 годзе Бешанковіцкім раённым цэнтрам гігіены і эпідэміялогіі работы па забеспячэнні санітарна-эпідэміялагічнага дабрабыту насельніцтва рэгіёну. З дакладамі выступілі галоўны ўрач УАЗ «Бешанковіцкая ЦРБ» Святлана Аляксандраўна Рошчына і галоўны дзяржаўны санітарны урач ДУ «Бешанковіцкі РЦГЭ» Ніна Аляксандраўна Карпушэнка.

Мінулы год паказаў, што калектыў бешанковіцкіх медработнікаў здольны паспяхова вырашаць пастаўленыя задачы. У бягучым годзе прафілактычная работа з насельніцтвам будзе актывізавана і перш за ўсё па стабілізацыі эпідсітуацыі з COVID-19, вакцынапрафілактыцы, па павышэнні даступнасці і якасці меддапамогі за кошт далейшай мадэрнізацыі матэрыяльна-тэхнічнай базы ўстановы.

У лютым адбудзецца канстытуцыйны рэферэндум, таму размова закранула і праект змяненняў і дапаўненняў Канстытуцыі Рэспублікі Беларусь. Вітаючы калектыў, Г. У. Унуковіч падзякавала медыкам раёна за работу, актыўную грамадзянскую пазіцыю, расставіла акцэнты на прапанаваных змяненнях Асноўнага закона краіны, адзначыўшы іх высокую грамадскую значнасць. Завяршылася мерапрыемства цырымоніяй узнагароджання спецыялістаў, якія з асаблівай адказнасцю ставяцца да выканання сваіх прафесійных абавязкаў. Па выніках работы за 2021 год лепшым супрацоўнікам уручаны Ганаровыя граматы раённага выканаўчага камітэта, галоўнага ўпраўлення па ахове здароўя Віцебскага абласнога выканаўчага камітэта і УАЗ "Бешанковіцкая цэнтральная раённая бальніца".

"Зара"