Дэлегацыя з Чувашскай Рэспублікі наведала Бешанковіцкі раён
Дэлегацыя Вурнарскага муніцыпальнага акругі Чувашскай Рэспублікі Расійскай Федэрацыі 16 снежня прыбыла ў Бешанковічы
Візіт братоў-расіян да нас праходзіць на афіцыйным узроўні. Плануецца падпісанне паміж Вурнарскім муніцыпальным акругай і Бешанковіцкім раёнам Пагаднення аб устанаўленні сяброўскіх адносін.
Вурнарскую і Бешанковіцкую зямлю звязвае агульная памяць. У вёсцы Галыні ў брацкай магіле пахаваны Герой Савецкага Саюза Сцяпан Іларыёнавіч Іларыёнаў, ураджэнец в. Ківсерт-Янішава цяпер Вурнарскага раёна.
Госці наведалі брацкую магілу, тут з удзелам прадстаўнікоў улады, працоўных калектываў, грамадскасці, дэпутатаў і школьнікаў прайшоў мітынг.
«Мы жывем аднымі ідэямі, адной мэтай — каб над нашымі краінамі было мірнае неба, дзеля дабрабыту нашага падрастаючага пакалення, — звярнулася да прысутных на мітынгу кіраўнік Вурнарскага муніцыпальнага акругі Надзея Нікандрава. — Хачу вам сказаць, сябры, вялікі дзякуй, што вы захоўваеце нашу агульную гісторыю».
Пагадненне аб устанаўленні дружалюбных адносін паміж Вурнарскім муніцыпальным акругам і Бешанковіцкім раёнам падпісана.
Подпісы ў важным для нашых рэгіёнаў дакуменце паставілі старшыня Бешанковіцкага райвыканкама Галіна Унуковіч і кіраўніца Вурнарскага муніцыпальнага акругі Чувашскай Рэспублікі Надзея Нікандрава.