Дэлегацыя Бешанковіцкага раёна наведала Маскву, дзе прыняла ўдзел у мерапрыемствах, прымеркаваных да старту беларуска-расійскага праекта «Камяні Памяці».
Ініцыятыва прысвечана ўшанаванню гераізму беларускіх і расійскіх маракоў, якія абаранялі легендарную Малую Зямлю.
Сярод іх і наш зямляк — пілот ваеннага самалёта Сцяпан Кавалёнак, астанкі якога знойдзены недалёка ад горада-курорта Геленджык. Прах абаронцы радзімы дзякуючы намаганням парламентарыяў Беларусі і Расіі тры гады таму спачыў на роднай зямлі.
З таго часу Бешанковічы і Геленджык навечна звязаны путамі брацтва і моцнай дружбы.
Летась у рамках свята «Дажынкі —2025» адбылася ўрачыстая перадача шасці валуноў у месцы памяці сумеснай доблесці беларусаў і расіян у гады Вялікай Айчыннай вайны ў г. Геленджык. У найбліжэйшы час яны накіруюцца да месца прызначэння.
Як адзначыў кіраўнік міжнароднага грамадска-патрыятычнага руху «Марское братэрства непарушнае!» Арсеній Крыцкі, да 27 лістапада, да Дня марской пяхоты, усе камяні, якія сімвалізуюць застылыя слёзы маці па загінулых сынах, будуць устаноўлены ў гарадах Расіі, у якіх умацоўвалася марское братэрства.
У ходзе мерапрыемства ў наш гісторыка-краязнаўчы музей перададзены артэфакты, звязаныя з подзвігам маракоў-беларусаў, а таксама карціны, якія раней складалі інтэр'ер баявых караблёў савецкага флоту.
А нумары ўдзельніц ансамбля барабаншчыц і мажарэтак «Рытм» Бешанковіцкай школы мастацтваў сталі яркім упрыгожаннем памятных мерапрыемстваў.
Падрабязнасці чытайце ў адным з найбліжэйшых нумароў «Зары».