Двое дзяцей патанулі ў Сенненскім раёне падчас катання на надуўным матрацы

Трагедыя адбылася ў суботу каля шасці гадзін вечара на возеры Леванава пабліз в. Адамава Сенненскага раёна. Калі ратавальнікі прыбылі да месца выкліку, на паверхні возера нікога не назіралася, на беразе быў разбіты кемпінг, дзе адпачывала дзве сям'і.

Ратавальнікі ўдакладнілі абставіны здарэння: каля 17-35 адзін з мужчын на надзіманым матрацы з 3 дзецьмі адплыў купацца на адлегласць каля 80 м ад берага. У нейкі момант адбылося перакульванне надзіманага матраца, у выніку чаго дзеці апынуліся ў вадзе. Хлопчыка 2014 года нараджэння, выратаваў на лодцы рыбак, які ў гэты момант знаходзіўся недалёка ад месца здарэння, а двое дзяўчынак схаваліся пад вадой.

Пачаліся пошукі двух патанулых дзяцей ратавальнымі службамі. Праз некаторы час на адлегласці 70 метраў ад берага і глыбіні 3 метраў вадалазамі пажарнага аварыйна-выратавальнага атрада «Віцязь» дасталі з вады цела 9-гадовай дзяўчынкі, а праз 25 хвілін цела 6-гадовай сястры. Абедзве без прыкмет жыцця.

Паважаныя бацькі! Лета - выдатны час для адпачынку, пазітыўных эмоцый, яркіх уражанняў. Але гэта і самы траўманебяспечны перыяд для дзяцей. Таму зрабіце ўсё, каб уберагчы свайго дзіцяці ад непрыемнасцяў. Паспрабуйце максімальна зрабіць бяспечным ваш адпачынак, будзьце побач са сваімі дзецьмі і беражыце іх!