Адзіны дзень інфармавання, тэма якога «Адукацыя і навука — рухаючыя сілы развіцця грамадства і дзяржавы», прайшоў у Бешанковічах
Найважнейшым фактарам, рухаючай сілай развіцця грамадства і дзяржавы ва ўмовах сучаснасці з'яўляецца інтэлектуальны патэнцыял чалавека. Заўважна ўсё большая роля чалавечага капіталу ў развіцці сучаснай эканомікі. Чалавек з уласцівівымі яму здольнасцямі, ведамі і магчымасцю творча і нестандартна вырашаць пастаўленыя задачы становіцца залогам поспеху новых праектаў. Каб рэалізаваць гэты патэнцыял, не абысціся без вышэйшай адукацыі, якая дае не толькі тэарэтычныя веды, але і практычныя навыкі, неабходныя для развіцця ў прафесіі.
Аб нацыянальнай сістэме адукацыі і перспектывах развіцця айчыннай навукі нядаўна гаварылі ў СШ №1 г. п. Бешанковічы ім. І. І. Строчкі. На сустрэчу з калектывам установы адукацыі ў рамках Адзінага дня інфармавання, тэма якога «Адукацыя і навука — рухаючыя сілы развіцця грамадства і дзяржавы», прыехала інфармацыйна-прапагандысцкая група на чале са старшынёй райвыканкама Галінай Унуковіч.
Як падкрэсліла кіраўнік раёна, адукацыя і навука ў нашай краіне ўваходзяць у лік прыярытэтных напрамкаў дзяржаўнай палітыкі. Гэтым пытанням на пастаяннай аснове надаецца пільная ўвага на самым высокім узроўні — пачынаючы з Прэзідэнта, які неаднаразова звяртаў увагу, што менавіта людзі і іх патэнцыял з'яўляюцца галоўнай каштоўнасцю краіны.
Рэспубліка Беларусь з'яўляецца дзяржавай, дзе рэалізуецца прынцып бесперапыннасці адукацыі (адукацыя на працягу жыцця), а таксама гарантуецца права на бясплатную атэстацыю адукацыі. Выбар курса на стварэнне сацыяльнай дзяржавы дазволіў вызначыць правільную стратэгію функцыянавання і развіцця сістэмы адукацыі. Пра гэта сведчаць такія макрапаказчыкі па дадзеных перапісу насельніцтва 2019 года, як узровень пісьменнасці дарослага насельніцтва (99,9%), ахоп агульнай базавай, агульнай сярэдняй, прафесійна-тэхнічнай, сярэдняй спецыяльнай, вышэйшай і навукова-арыентаванай адукацыяй занятага насельніцтва (99,6%). Акрамя гэтага, асаблівая ўвага надаецца дзяржаўнай падтрымцы адораных навучэнцаў і студэнтаў.
Асобная ўвага надаецца экспарту адукацыйных паслуг, што з'яўляецца перспектыўным напрамкам міжнароднага супрацоўніцтва і ўмацавання гуманітарных сувязей. Замежныя выпускнікі, якія атрымалі адукацыю ў Беларусі, з'яўляюцца прыкладам народнай дыпламатыі, якая спрыяе развіццю ўзаемаразумення паміж народамі.
У Беларусі зацверджаны прыярытэтныя напрамкі навуковай, навукова-тэхнічнай і інавацыйнай дзейнасці ў краіне на 2026-2030 гады. Штогод у розных галінах эканомікі ўкараняецца больш за 300 акадэмічных распрацовак, якія спрыяюць павышэнню канкурэнтаздольнасці Рэспублікі Беларусь на міжнародных рынках. У краіне праводзіцца сістэмная праца па развіцці міжнароднага навукова-тэхнічнага супрацоўніцтва. Асноўныя намаганні дзяржавы накіраваны на паглыбленне ўзаемадзеяння ў Саюзнай дзяржаве, ЕАЭС, СНД і з краінамі далёкай дугі. Дасягненні і поспехі развіцця Рэспублікі Беларусь адзначаны на міжнародным узроўні. Асаблівым гонарам з'яўляецца актыўнае прыцягненне моладзі ў навуку. Кожны трэці навуковы работнік – гэта малады вучоны ва ўзросце да 35 гадоў.
Тэму парадку дня падрабязна асвятліла начальнік аддзела ідэалагічнай работы і па справах моладзі райвыканкама Святлана Гайко.
У ходзе Адзінага дня інфармавання гаворка ішла і пра сацыяльна-эканамічнае развіццё рэгіёна, аб рэалізацыі мерапрыемстваў Года добраўпарадкавання, легалізацыі аб'ектаў нерухомасці і зямельных участкаў, дыспансерызацыі.
Святлана ВАРАШКО.