ФСЗН нагадвае аб добраахвотным страхаванні дадатковай назапашвальнай пенсіі

Указам Прэзідэнта Рэспублікі Беларусь ад 27.09.2021 № 367 «Аб добраахвотным страхаванні дадатковай назапашвальнай пенсіі» прадастаўлена права на ўдзел у добраахвотным страхаванні дадатковай назапашвальнай пенсіі.

Дадзенае права прадастаўлена работнікам, за якіх іх наймальнікамі выплачваюцца абавязковыя унёскі ў бюджэт фонду сацыяльнай абароны.

Пачынаць удзельнічаць у новым страхаванні можна не пазней, чым за 3 гады да дасягнення агульнаўстаноўленага пенсійнага ўзросту.

Наймальнік або сам работнік заключаюць дагавор са страхавой арганізацыяй.

У любы момант можна прыпыніць свой удзел у праграме і затым вярнуцца да выплаты дадатковых унёскаў.

Работник, які жадае ўдзельнічаць у страхаванні, з 1 кастрычніка 2022 г. зможа выплачваць дадатковы унёсак на назапашвальную пенсію. Памер гэтага унёску – у працэнтах ад фактычнай заработнай платы – ён выбірае сам. Максімальны (гранічны) памер дадатковага унёску работніка – 10%. Тарыф можна мяняць, але не часцей 1 разу на год.

Калі работнік прыняў рашэнне ўдзельнічаць, то да гэтага падключаецца і яго наймальнік. Ён будзе абавязаны плаціць унёсак у памеры унёску работніка, але не больш за 3%.

Уступ работніка ў новую праграму ніяк не адзавецца на яго працоўнай (салідарнай) пенсіі. Яе памер будзе вызначацца па тых жа правілах, што і ў работнікаў, якія не ўдзельнічаюць у добраахвотным страхаванні – зыходзячы з паказчыкаў стажу і заробку да звароту за пенсіяй.

Пры ўступленні работніка ў новую праграму выдаткі яго наймальніка на выплату пенсійных унёскаў не павялічацца. Яго абавязковы 28-працэнтны унёсак у бюджэт фонду сацыяльнай абароны насельніцтва саразмерна зменшыцца.

Для ўдзельнікаў новай праграмы прадугледжаны:

– льгота па падаходным падатку. Так, работнікам прадастаўляецца права на атрыманне сацыяльнага падатковага выліку на суму выплачаных за кошт работніка страхавых узносаў на будучую назапашвальную пенсію;

– магчымасць атрымання ў спадчыну пенсійных назапашванняў;

– гарантыя захаванасці пенсійных назапашванняў. Ажыццяўленне добраахвотнага страхавання дадатковай назапашвальнай пенсіі Указам ускладзена на дзяржаўную страхавую арганізацыю – рэспубліканскае ўнітарнае страхавое прадпрыемства «Стравіта».

Дзяржава гарантуе страхавыя выплаты па дагаворах страхавання, заключаных гэтым страхавым прадпрыемствам.

Клопат аб будучай пенсіі павінен стаць звыклым для кожнага чалавека. Толькі ў гэтым выпадку ў старасці можна мець камфортны ўзровень даходу, які дазваляе весці лад жыцця, які адпавядае асабістым чаканням.