У ходзе азнаямлення з ходам будаўнічых работ парламентарый адзначыў адставанне ад графіка. Фінансаванне аб'екта вядзецца ў належным аб'ёме, ён мае вялікае сацыяльнае значэнне і ўключаны ў Дзяржаўную інвестыцыйную праграму на 2025 год, аднак адставанне па тэрмінах будаўніцтва складае каля месяца. Гатоўнасць аб'екта на сённяшні дзень – 65%. Востра не хапае будаўнікоў аддзелачных спецыяльнасцей.

Кіраўнікам падрадных арганізацый дадзена ўказанне прыцягнуць да працы неабходную колькасць рабочых неабходных спецыяльнасцей.

Наступным этапам рабочай паездкі стаў візіт на малочна-таварны комплекс, які будуецца ў ААТ «Хацілы-агра». Там таксама былі заўвагі да субпадраднай арганізацыі са Слуцка. З яе прадстаўніком адбылася размова, у ходзе якой атрымана абяцанне ў найкароткія тэрміны наладзіць працу належным чынам і прыступіць да мантажу двух будынкаў.

Спікер Парламента таксама азнаёміўся з ходам уборачнай страды. Як і ўся Віцебшчына, Пастаўскі раён у гэтым годзе сутыкнуўся з цяжкімі ўмовамі надвор'я. Шмат камбайнаў буксуе ў полі, у гаспадарках для іх буксіроўкі задзейнічана 10 адзінак энергонасычаных трактароў, якія ў гэты час маглі б выконваць іншыя сельскагаспадарчыя работы.

Станоўчы эфект дае выкарыстанне збожжаўборачнай тэхнікі на гусенічным ходзе, як, напрыклад, у ААТ «Камайскі-агра».

Падводзячы вынікі рабочай паездкі, Ігар Сяргейка адзначыў:

– Агульная ацэнка працы будаўнікоў – нездавальняючая з-за нізкіх тэмпаў і недахопу будаўнікоў. Выказаны прэтэнзіі кіраўнікам падрадчыка. Віцебскі аблвыканкам абавязаны ўзяць узводзімы корпус бальніцы на кантроль і прыняць меры па пашырэнні штата аддзелачнікаў, каб своечасова завяршыць работы. Па