Інтэрнэт-злачынцы не абышлі Бешанковіцкі раён бокам

У апошні час інтэрнэт-махляры ўсё часцей крадуць грошы з банкаўскіх картак. Гэта становіцца магчымым таму, што самі пацярпелыя паведамляюць рэквізіты сваіх банкаўскіх картак.

У цяперашні час шырокае распаўсюджванне маюць 2 асноўныя спосабы падману:

1)    «Вішынг», які заключаецца ў тым, што зламыснікі, падмяняючы рэальны нумар тэлефона на нумар тэлефона банка, і выдаючы сябе за супрацоўнікаў банка або праваахоўных органаў пад падставай адмены аперацыі выманьваюць у трымальнікаў картак канфідэнцыйную інфармацыю – нумар, тэрмін дзеяння, трохзнакавы код на адваротным баку – або заахвочваюць да ўстаноўкі праграмнага забеспячэння (аддаленага доступу) для дзеянняў у інтэрнэт- або  м-банкінгу.    

2)   Фішынг, мэта якога - завалодаць рэквізітамі банкаўскай плацежнай карты. Зламыснік пад любым махлярскім наדамовай вымушае ахвяру перайсці па спасылцы на падроблены інтэрнэт-рэсурс і ўвесці там нумар карты, тэрмін дзеяння і CVV-код, каб выкрасці гэтыя даныя і «ачысціць» банкаўскі рахунак. Кіберзлачынцы ўмела падробліваюць розныя папулярныя інтэрнэт-рэсурсы, якія аказваюць паслугі насельніцтву і маюць сэрвіс здзяйснення анлайн-плацяжоў: гандлёвыя інтэрнэт-пляцоўкі, службы дастаўкі, сайты гандлёвых сетак і гэтак далей.

 

Жыхароў нашага раёна дадзеная праблема таксама не абышла бокам:

1)    У сакавіку 2023 года ў АУС Бешанковіцкага райвыканкама звярнулася жыхарка г.п. Бешанковічы, у якой махляры выкралі 14 000 беларускіх рублёў. Жанчына расказала, што ў мэсэнджары «Telegram» з ёй звязалася нібыта супрацоўніца Нацыянальнага банка Рэспублікі Беларусь, якая патлумачыла, што на імя пацярпелай узялі крэдыт на 9000 рублёў, і для таго, каб пагасіць гэты крэдыт і выкрыць махляроў, ёй неабходна аформіць крэдыт у ААТ «АСБ Беларусбанк», пасля чаго перавесці грашовыя сродкі на ўказаны супрацоўнікам банка рахунак. У далейшым грамадзянка накіравалася ў аддзяленне ААТ «АСБ Беларусбанк», дзе аформіла крэдыт на 14000 рублёў, якія ў далейшым перавела на рахунак злачынцаў.

2)    У траўні 2023 года ў АУС Бешанковіцкага райвыканкама звярнулася жыхарка г.п.Бешанковічы, у якой інтэрнэт-злачынцы выкралі каля 130 беларускіх рублёў. Пацярпелая растлумачыла, што  у сацыяльнай сетцы «Інстаграм» у Інтэрнэт-краме «man.s_clab_» яна захацела набыць адзенне, падчас перапіскі з прадаўцом, яна ўзгадніла з ім умовы пакупкі, пасля чаго перавяла грашовыя сродкі на банкаўскі рахунак, прадастаўлены прадаўцом, пасля чаго апошні перастаў выходзіць на сувязь, а набытыя тавары пацярпелая так і не атрымала.

 

Як засцерагчы сябе ад крадзяжу грошай праз Інтэрнэт?

 

1.Не перадавайце даныя карты і коды з смс-паведамленняў ад банка, лагіны і паролі да сэрвісаў, нікому;

2.Не ўстанаўлівайце праграмы па просьбе трэціх асоб і не паведамляйце коды рэгістрацыі;

3.Не афармляйце крэдыты па просьбе трэціх асоб;

4.Не пераводзьце грошы на «абаронены рахунак»;

5.Не перадавайце грошы для сваяка праз «яго знаёмага».

6.Падключыце функцыю 3D-Secure - дадатковы пароль для абароны вашай карты пры любых пакупках у інтэрнэце. У банку вам растлумачаць, як гэта зрабіць. Калі яна падключана, то для здзяйснення плацяжу ў інтэрнэце, спатрэбіцца ўвесці спецыяльны код, банк дашле вам яго праз смс. Без гэтага кода грошы з вашай карты не здымуць.

 

 

Часовы выканаўца абавязкаў начальніка АУС

Бешанковіцкага ВВК                                                           Ю.В.Качаноў