Як адзначыла Галіна Уладзіміраўна, пяцігодка якасці ахоплівае ўсе сферы жыццядзейнасці беларусаў. Прыярытэтныя мэты яе рэалізацыі – далейшае павышэнне якасці жыцця людзей і канкурэнтаздольнасці беларускай эканомікі, удасканаленне грамадскіх адносін.

Пра тое, якая праца праведзена на Бешанковіччыне ў рамках Года добраўпарадкавання, расказала член інфармацыйна-прапагандысцкай групы Вольга Фіешка.

Як было адзначана, асноўнымі напрамкамі працы ў 2025 годзе сталі паляпшэнне асяроддзя пражывання ў населеных пунктах, аптымізацыя ўмоў працы і пражывання ў сельскай мясцовасці, прывядзенне ў парадак транспартнай інфраструктуры і аднаўленне лесу. Асаблівая ўвага пры навядзенні парадку надавалася мемарыялам і месцам воінскіх пахаванняў. Работы па іх добраўпарадкаванні сталі значным укладам у захаванне памяці аб подзвігу савецкага народа ў Вялікай Айчыннай вайне.

Рэзюмуючы сказанае, Галіна Унуковіч падзякавала прадстаўнікоў сацыяльнай службы, а ў іх асобе і ўсіх жыхароў рэгіёну, за ўдзел у работах па навядзенні парадку на зямлі.

«У 2025 годзе, бясспрэчна, шмат зроблена па навядзенні парадку і добраўпарадкаванні ў горадзе і сельскіх населеных пунктах, — падкрэсліла Галіна Унуковіч. — У наступаючым годзе нам трэба будзе не меншы аб'ём работ. Разам мы можам многае. Адказ за тое, у якіх умовах мы жывём, нясе кожны з нас».

"Зара"