Чакаецца, што сярэдняя напаўняльнасць класаў па г. п. Бешанковічы складзе 23,5, па сельскай мясцовасці — 7,6 чалавека. У 1-ы клас плануецца залічыць 104 дзіцяці і адкрыць 8 класаў. Кантрольная лічба прыёму ў 10-я класы складае 47 чалавек. Выпускнікамі 11-х класаў стануць 57 навучэнцаў.

Да пачатку новага навучальнага года ў раёне будуць завершаны ўсе капітальныя і бягучыя рамонты ўстаноў адукацыі. Падрыхтоўка да іх правядзення пачата яшчэ 3 сакавіка, калі рашэннем райвыканкама былі створаны камісіі, у склад якіх уключаны і органы дзяржнагляду: санітарнага, пажарнага, унутраных спраў, а таксама зацверджаны графікі іх работы.

У ходзе правядзення ацэначных мерапрыемстваў складзены акты аб стане ўстаноў адукацыі, у якіх былі адлюстраваны выяўленыя парушэнні. Распрацаваны і зацверджаны планы арганізацыйных мерапрыемстваў па іх ліквідацыі.

На сённяшні дзень праблемных пытанняў па зацвярджэнні пашпартоў і падпісанні сертыфікатаў гатоўнасці ўстаноў адукацыі не маецца. У 2025 годзе для падрыхтоўкі ўстаноў адукацыі да новага навучальнага года, на правядзенне бягучых і капітальных рамонтаў, набыццё абсталявання і іншых сродкаў было выдзелена 495 тысяч рублёў.

Бягучы рамонт выкананы на агульную суму каля 160 тыс. рублёў. У тым ліку бягучы рамонт падлогі калідораў 1 і 2 паверхаў у Ржаўскай СШ імя М. Гелавані (32 тыс. руб.), бягучы рамонт стольных пліт «Армстронг» у калідоры 1 паверха на лесвічнай пляцоўцы ў Астравенскай СШ імя К. А. Абазоўскага (23 тыс. руб.), бягучы рамонт па замене аконных і дзвярных блокаў ва Ульскай СШ імя Л. М. Даватара (28 тыс. руб.) і бягучы рамонт асфальтабетоннага пакрыцця ў дзіцячым садзе №6 г. п. Бешанковічы (76 тыс. руб.).

Акрамя гэтага, да пачатку новага навучальнага года будуць выкананы работы па абсталяванні будынка Ульскай СШ імя Л. М. Даватара сістэмай аўтаматычнай пажарнай сігналізацыі (АПС — Маланка) на суму 112 тыс. рублёў і бягучым рамонтам АПС у будынку Бачэйкаўскай СШ імя М. А. Высогорца (каля 30 тыс. руб.). Таксама для патрэб устаноў адукацыі набыта навучальнае, тэхналагічнае, спартыўнае і іншае абсталяванне на суму каля 200 тысяч рублёў.

Аддзелам па адукацыі прааналізаваны прычыны нявыкананых у 2023-2024 гадах першачарговых мерапрыемстваў, накіраваных на забеспячэнне бяспекі ва ўстановах адукацыі (асноўная — адсутнасць фінансавання). У лютым 2025-га быў распрацаваны і зацверджаны план мерапрыемстваў па забеспячэнні бяспекі ва ўстановах адукацыі з указаннем тэрмінаў і аб'ёмаў фінансавання. У цяперашні час усе яны выкананы ў поўным аб'ёме. Агульная сума затрачаных бюджэтных сродкаў склала 204 тысячы рублёў. Работа па абсталяванні ўстаноў адукацыі сістэмамі відэаназірання і кнопкамі трывожнай сігналізацыі ў нас цалкам завершана.

Згодна з рашэннем аблвыканкама ад 23 мая 2025 года №385 «Аб ходзе падрыхтоўкі ўстаноў адукацыі да новага 2025/2026 навучальнага года» у Бешанковіцкім раёне былі вызначаны 4 установы адукацыі: Ржаўская БШ імя М. Гелавані, дзіцячы сад №1 г. п. Бешанковічы, Каранеўскі дзіцячы сад і Бешанковіцкі Цэнтр дзяцей і моладзі, будынкі якіх падлягалі абследаванню спецыялізаванымі арганізацыямі ў першачарговым парадку. Неабходныя абследаванні выкананы ПУП «ГарантЭксперт» з прадастаўленнем тэхнічных заключэнняў па кожным аб'екце. Агульны тэхнічны стан будаўнічых канструкцый усіх абследаваных устаноў адукацыі ацэньваецца як працаздольны (задавальняючы). Будынкі ўстаноў адукацыі прыдатныя да далейшай эксплуатацыі па прызначэнні.

Няма ў раёне праблем і з арганізацыяй падвозу дзяцей. Аўтобусны парк цэнтра па забеспячэнні дзейнасці бюджэтных арганізацый налічвае 11 аўтобусаў. Дзесяць з іх са тэрмінам эксплуатацыі менш за дзесяць гадоў (9 ходзяць па маршрутах, 2 – рэзервовыя).

Вакансій кіроўцаў школьных аўтобусаў, як і вакансій кіраўнікоў устаноў адукацыі, кіраўнікоў па ваенна-пат