Напярэдадні па традыцыі ў храме Святога прарока Ільі (сёлета яму спаўняецца 155 гадоў) пройдуць усяночныя дзяжурствы, а 2 жніўня ў 9 гадзін – Боская літургія, якую ўзначаліць вікарый Віцебскай епархіі епіскап Друцкі Яўсей. У 10:30 – малебен на пачатак добрай справы ў Дзень першага легендарнага згадвання гарпасёлка Бешанковічы. 3 жніўня ў 9 гадзін – нядзельная Боская літургія.
4 жніўня – Дзень памяці. Актывісты саюза моладзі накіруюць сілы на добраўпарадкаванне воінскіх пахаванняў і месцаў воінскай славы. У 9 гадзін у Парку камсамольцаў ГА «БРСМ» арганізуе працоўную акцыю «Моладзь ЗаСправу». У 20 гадзін на Кургане Славы – лічбавая патрыятычная акцыя «80 гадоў Вялікай Перамозе».
5 жніўня – Дзень мудрасці. У 19 гадзін у цэнтральным парку плануецца вечар адпачынку для людзей залатога ўзросту «Нашы гады – наша багацце».
6 жніўня – Дзень добраўпарадкавання.
З 10 гадзін – конкурс кветкавых кампазіцый сярод арганізацый і прадпрыемстваў раёна «Квітней, родны гарпасёлак!»
7 жніўня – Дзень дзяцінства.
У 17:30 пачнецца дзіцячая музычна-забаўляльная праграма ў цэнтральным парку.
8 жніўня – Дзень здароўя і спорту.
А 17:30 аматараў спорту і актыўнага адпачынку на гарадскім стадыёне збірае спартыўнае свята-конкурс «Гульні нашай вёскі» сярод прадпрыемстваў і арганізацый раёна. Фінал спаборніцтва пройдзе ў асноўны дзень святкавання – 9 жніўня.

"Зара"