Кар'еры: бяспека на першым месцы

Пракуратурай Бешанковіцкага раёна сумесна са спецыялістамі землеўпарадкавальнай службы Бешанковіцкага раённага выканаўчага камітэта 15.06.2016 праведзена абследаванне ўнутрыгаспадарчых і прамысловага кар'ераў раёна на прадмет належнага выканання арганізацыямі - недракарыстальнікамі патрабаванняў заканадаўства аб нетрах, у частцы эксплуатацыі, кансервацыі і ліквідацыі горных выпрацовак (кар'ераў), а таксама прыняцця мер па забеспячэнні бяспекі насельніцтва і выканання патрабаванняў прыродаахоўнага заканадаўства.

На тэрыторыі Бешанковіцкага раёна дзейнічаюць 10 унутрыгаспадарчых і 1 прамысловы кар'ер, у ходзе абследавання якіх устаноўлена, што Бешанковіцкім райвыканкамам нараўне з недракарыстальнікамі прымаюцца пэўныя арганізацыйна-практычныя меры па забеспячэнні прамысловай бяспекі пры эксплуатацыі кар'ераў і выкананні патрабаванняў прыродаахоўнага заканадаўства.

Разам з тым, выяўлены і недахопы, якія сведчаць аб неналежным выкананні патрабаванняў Дырэктывы Прэзідэнта Рэспублікі Беларусь ад 11.03.2004 №1 «Аб мерах па ўмацаванні грамадскай бяспекі і дысцыпліны», якія падлягаюць ліквідацыі, каб пазбегнуць надзвычайных здарэнняў.

У прыватнасці, пры наведванні ўнутрыгаспадарчых кар'ераў «Вяжышча» ЗАТ «АСБ Агра-Наватар», «Замялочча» СУП «Вядзерава», «Слабада» ДРБУ-110 устаноўлены істотныя парушэнні патрабаванняў бяспекі, а менавіта: краі кар'ераў не прыведзены ў бяспечны стан, вуглы асобных адхонаў маюць стромкую вышыню, што выклікае іх самаадвольнае асыпання ўнутр кар'ера, візуальна вызначаецца навісанне грунту, а таксама сляды абвальвання пяску, забараняльных знакаў аб небяспецы знаходжання ў кар'ерах няма, што стварае пагрозу жыццю і здароўю не толькі работнікаў прадпрыемства, але і мясцовых жыхароў.

Не ўсімі недракарыстальнікамі выконваецца патрабаванне п.п.1.1 п.1 арт.17 Кодэкса Рэспублікі Беларусь аб нетрах, аб недапушчальнасці вядзення работ на глыбіні, якая перавышае 5 метраў.

У кар'еры «Вяжышча» дапускаецца складанне бытавых і будаўнічых адходаў, каля кар'ера «Вядзерава» ўтварылася несанкцыянаваная звалка, што супярэчыць патрабаванням п.п.1.4 п.1 арт.17, арт.25 Закона Рэспублікі Беларусь «Аб абыходжанні з адходамі».

Акрамя гэтага, інфармацыйныя ўказальнікі на ўсіх кар'ерах не адпавядаюць патрабаванням, якія прад'яўляюцца да дадзенай катэгорыі знакаў, указаных у п.13 Метадычных рэкамендацый аб парадку размяшчэння ўнутрыгаспадарчых кар'ераў, зацверджаных старшынёй Дзяржаўнага камітэта па маёмасці Рэспублікі Беларусь Г.І. Кузняцовым 07.06.2010, а менавіта: адсутнічаюць звесткі аб даце і нумары рашэння райвыканкама аб выбары месца размяшчэння ўнутрыгаспадарчага кар'ера, рашэння аб падаўжэнні тэрміну яго дзеяння, не ўказваецца плошча кар'ераў.

Наяўнасць адзінага прамысловага кар'ера «Слабада» ДРБУ-110 на тэрыторыі раёна, які знаходзіцца ў значным аддаленні ад раённага цэнтра, прывяло да заўчаснай выпрацоўкі ўнутрыгаспадарчага кар'ера «Варахобкі», размешчанага ў непасрэднай блізкасці ад г.п. Бешанковічы, рэсурсамі якога карысталіся многія арганізацыі раёна без выканання тэхналагічных схем шляхам выбарачнай здабычы пяску і пясчана-жвіровай сумесі, прывёўшы яго ў вельмі небяспечны стан, у сувязі з чым дадзены кар'ер экстрана рэкультываваны, каб пазбегнуць надзвычайных здарэнняў.