Як паведаміла рэдакцыі памочнік урача-гігіеніста Бешанковіцкага РЦГЭ Ксенія Скарнякова, з пачатку 2026 года пад пільную ўвагу санітарнай службы трапілі 844 аб'екты і прылеглыя да іх землі агульнага карыстання, парушэнні выяўлены на 65% з іх. З мэтай аператыўнага ўстаранення недахопаў у адрас кіраўнікоў суб'ектаў гаспадарання накіравана 111 інфармацыйных лістоў і рэкамендацый. Аднак, як паказвае практыка, аднаго толькі ўказання на недахопы часам бывае недастаткова, у выпадках невыканання патрабаванняў ва ўстаноўлены тэрмін прыАб'екты дарожнай інфраструктуры з'яўляюцца «тварам» нашага раёна для праязджаючых аўтамабілістаў. Па факце выяўленых парушэнняў і за невыкананне раней выдадзеных рэкамендацый вынесена пастанова аб накладанні адміністрацыйнага спагнання ў выглядзе штрафу ў дачыненні да адказнага спецыяліста лінейна-дарожнай дыстанцыі №362 філіяла ДЭУ №36 РУП «Віцебскаўтадар».

Наглядныя мерапрыемствы праводзяцца рэгулярна і ахопліваюць не толькі тэрыторыі саміх прадпрыемстваў, але і замацаваныя за імі ўчасткі. Выпадкі на трасе М‑3 пацвярджаюць, што адсутнасць штодзённага кантролю прыводзіць да маментальнага знікнення парадку. Спецыялісты падкрэсліваюць, што перапоўненыя урны і засмечаныя стаянкі з'яўляюцца прамым парушэннем санітарных нормаў. Санітарная служба працягне маніторынг сітуацыі і заклікае ўсіх службовых асоб адказна ставіцца да ўтрымання тэрыторый, нагадваючы, што чысціня раёна залежыць ад выканаўчай дысцыпліны кожнага кіраўніка.