Прэзідэнт Беларусі Аляксандр Лукашэнка сустрэўся з прэфектам Дыкастэрыі па справах Усходніх цэркваў у Ватыкане кардыналам Клаўдзіа Гуджэроці, перадае карэспандэнт БЕЛТА.

"Я азнаёмлены ў дэталях з вашым візітам. Вельмі рады, што вы ўспомнілі Беларусь і вам спадабалася Беларусь, спадабаліся нашы людзі. Усе. Не толькі каталікі, праваслаўныя. І іншыя людзі. І нават мусульмане вельмі добра ўспрынялі ваш візіт. Гэта кажа пра тое, што той след ваш у Беларусі, прабачце за таўталогію, не бесследавы, - сказаў кіраўнік дзяржавы. - Таму я шчыра рады сустрэцца з вамі. Я памятаю ўсе нашы сустрэчы, размовы, перамовы, абавязацельствы, якія мы выконваем, выканалі або нешта не выканалі - мы сёння з вамі шчыра па-сяброўску пагаворым пра гэта. Я вельмі рады сустрэцца і абмеркаваць усе пытанні, якія, магчыма, назапасіліся ў нашых адносінах".

Кардынал Клаўдзіа Гуджэроці наведвае Беларусь у якасці спецыяльнага пасланніка Папы Рымскага Льва XIV для ўдзелу ва ўрачыстасцях з нагоды святкавання 100-годдзя Пінскай епархіі. Яна была заснавана 25 кастрычніка 1925 года і зараз з'яўляецца адной з чатырох каталіцкіх епархій у Беларусі, ахопліваючы тэрыторыю Брэсцкай і Гомельскай абласцей. Прадстаўнік Ватыкана ў 2011-2015 гадах займаў пост Апостальскага нунцыя ў Беларусі.

Аляксандр Лукашэнка павіншаваў Клаўдзіа Гудж