Прэзідэнт Беларусі Аляксандр Лукашэнка назваў будаўніцтва і добраўпарадкаванне дарог і мастоў найважнейшай задачай дзяржавы. Пра гэта ён заявіў на ўрачыстай цырымоніі адкрыцця абноўленага моста ў Мазыры праз Прыпяць, перадае карэспандэнт БЕЛТА.

"Масты і дарогі – гэта найважнейшая задача дзяржавы. Дзяржава павінна займацца інфраструктурай", – падкрэсліў Аляксандр Лукашэнка.

Іншымі словамі, дзяржава стварае для людзей умовы, магчымасці для развіцця, жыцця і працы. Вобразна кажучы, дае вуду, а "лавіць рыбу" людзі павінны самі. "Дарога ёсць – калі ласка, едзь на асабістым аўтамабілі, грамадскім транспарце. Вось кавалак зямлі – будавай дом, развівайся. Будзе магчымасць – крыху дзесьці дапаможам па жыллі і гэтак далей", – сказаў Прэзідэнт.

Аналагічным чынам, па словах кіраўніка дзяржавы, павінны дзейнічаць і прадпрыемствы, суб'екты гаспадарання – разлічваць перш за ўсё на свае сілы, працаваць, развівацца і даваць вынік, а не прахладжвацца ў чаканні дапамогі або вырашэння праблемных пытанняў ад дзяржавы.
 
Аляксандр Лукашэнка растлумачыў, што перад дзяржавай стаяць у цэлым больш глабальныя задачы, у тым ліку па забеспячэнні бяспекі, стварэнні ўмоў для эфектыўнага функцыянавання эканомікі. Складанасцей дадае і абстаноўка вакол. "Сітуацыя няпростая. Людзі павінны гэта разумець. Больш таго, за нас так грунтоўна Захад узяўся разам з амерыканцамі. Санкцыі, санкцыі, санкцыі. Каб пабудаваць гэты мост, дзесьці трэба выкручвацца неяк, гэтыя капейкі вычэрпваць, збіраць у кучу і будаваць", – адзначыў кіраўнік дзяржавы.

Тое ж самае датычыць і сферы сельскай гаспадаркі. Кіраўнікі на месцах павінны самастойна вырашаць лакальныя пытанні, а за дзяржавай — інфраструктура ў цэлым, кантроль за выкарыстаннем земляў і, напрыклад, правядзенне меліярацыйных работ, што вельмі актуальна для Прыпяцкага рэгіёну. 

"Ніхто, ніякі прыватнік сам не будзе будаваць каналы, збудаванні, — сказаў Аляксандр Лукашэнка. — Ніхто не будзе, акрамя дзяржавы. Таму мы вельмі моцна ўзяліся за меліярацыю". Перш за ўсё гэта датычыць аднаўлення меліярацыйных сістэм, якія былі пабудаваны ў савецкія часы. Узяцца за гэту працу варта было, вядома, раней, але ўвесь час знаходзіліся нейкія складанасці, у тым ліку фінансавага плану. "Мы непрыгожа часам ставіліся да гэтых пытанняў. І я бачу, ужо зямля прыходзіць у непрыдатнасць — хмызняк, гэтыя каналы (меліярацыйныя. — Заўв. БЕЛТА) зарастаюць. Прыйшлося штурмам браць і гэтае пытанне. Таму меліярацыя — гэта пытанне галоўнае", — падкрэсліў Прэзідэнт.
 
Аляксандр Лукашэнка расказаў, што, накіроўваючыся з Мінска ў Гомельскую вобласць, агледзеў з верталёта, як іbelta.by