Андрэй Лабовіч пераходзіць на міністэрскую пасаду з пасады намесніка старшыні Камітэта дзяржаўнага кантролю Рэспублікі Беларусь.

Андрэй Лабовіч нарадзіўся ў 1978 годзе ў Слоніме Гродзенскай вобласці. 

У 2001 годзе скончыў Беларускі дзяржаўны эканамічны ўніверсітэт, у 2015 годзе - Акадэмію кіравання пры Прэзідэнце Рэспублікі Беларусь. 

Працоўную дзейнасць пачаў у 2001 годзе на пасадзе вядучага эканаміста інспекцыі па бюджэце фінансавага аддзела адміністрацыі Партызанскага раёна Мінска. У 2004-2008 гадах працаваў у адміністрацыі Завадскога раёна Мінска на розных пасадах. З 2008 па 2010 год быў начальнікам фінансавага аддзела адміністрацыі Фрунзенскага раёна сталіцы. 

У 2010-2012 гадах працаваў начальнікам упраўлення мясцовых бюджэтаў галоўнага ўпраўлення бюджэтнай палітыкі Міністэрства фінансаў. 

У 2012-2015 гадах - першы намеснік кіраўніка адміністрацыі Завадскога раёна Мінска. 

У 2015-2021 гадах - першы намеснік Міністра працы і сацыяльнай абароны. 

З 18 чэрвеня 2021 года працаваў намеснікам старшыні Камітэта дзяржаўнага кантролю.

belta.by