"Наколькі звязаны і збалансаваны паміж сабой эканамічныя планы з бюджэтнымі? З матэрыялаў вынікае, што Мінфінам распрацаваны хай і не крытычны, але дэфіцытны бюджэт. А нам трэба будзе сур'ёзныя выплаты па дзярждоўгу (2026 год - адзін з пікавых перыядаў). Ёсць для іх крыніцы пакрыцця? Будуць пры гэтым паўнавартасна і ў тэрмін выкананы ўсе сацыяльныя абавязацельствы?" - сказаў кіраўнік дзяржавы.

Ён таксама адзначыў, што ў наступным годзе пачынаюць працаваць новыя дзяржаўныя праграмы. Урад ужо сфармаваў іх пералік, які будзе разгледжаны асобна. "Большасць - сацыяльна-эканамічнай накіраванасці і фінансуюцца з бюджэтаў. Але што ў аснове гэтых праграм? Як вызначалася патрэба ў рэсурсах? Гэта павінны быць рэальныя, прымяняльныя на практыцы планы пад канкрэтны і эфектыўны вынік!" - падкрэсліў беларускі лідар.

Паводле яго слоў, таксама прапануюцца пэўныя новаўвядзенні ў падатковым заканадаўстве і яго адміністраванні. Аднак узгодненага меркавання па гэтым пытанні пакуль няма, у сувязі з чым Аляксандр Лукашэнка выказаў крытыку, чаму ў такім выпадку з гэтым пытаннем прыйшлі да Прэзідэнта: "Вы што будзеце цяпер перада мной выказваць кожны сваё меркаванне? Недапушчальна! Далажыце".

belta.by