Асноўная ўвага ў пяцігодцы будзе нададзена развіццю раёнаў Беларусі. Аб гэтым заявіў Прэзідэнт Беларусі, Старшыня Усебеларускага народнага сходу (УНС) Аляксандр Лукашэнка на другім пасяджэнні VII УНС, перадае карэспандэнт БЕЛТА.

"Асноўная ўвага ў пяцігодцы будзе нададзена нашым раёнам. У нас 118 раёнаў. Без іх развіцця няма чаго будзе казаць аб планамерным і нармальным размеркаванні прадукцыйных сіл, - сказаў Аляксандр Лукашэнка. - Там нашы людзі. Яны ў нас не закінуты, гэтыя раёны. Цэнтры прывялі ў парадак - чысценькія, акуратненькія. І кожны старшыня райвыканкама разумее, што гэта іх дом, які павінен быць чыстым. Тут мудрыць не трэба"

Пры гэтым Прэзідэнт указаў на неабходнасць развіцця перасоўных механізаваных калон (ПМК). "Што за старшыня райвыканкама, калі ў яго няма будаўнічага падраздзялення? Памятаеце будаўнічыя ПМК? Трошкі зжурбоціліся яны, але мы іх прыпаднялі, пачалі аднаўляць. Іх трэба аднавіць, каб свае будаўнікі былі. Каб хаця б нейкія простыя работы маглі выконваць", - падкрэсліў ён.

Акрамя таго, кіраўнік дзяржавы запэўніў, што ў Беларусі будзе захавана ініцыятыва "Адзін раён - адзін праект". "Там, дзе ёсць неабходнасць, мы будзем ствараць нейкія прадпрыемствы. Будзем гэта напрамак узмацняць", - дадаў ён.

Аляксандр Лукашэнка, кажучы пра развіццё раённых цэнтраў, звярнуў увагу на развіццё дарожнай сеткі. "Мы ў асноўным ужо звязалі з абласнымі цэнтрамі раённыя цэнтры дарогамі, адрамантавалі. Цяпер у нас задача - ад раённага цэнтра, там, дзе гэта трэба, да аграгарадкоў дайсці. За два гады мы выра