Прэзідэнт Беларусі Аляксандр Лукашэнка падпісаў закон "Аб змяненні законаў па пытаннях крымінальнай і адміністрацыйнай адказнасці". Пра гэта БЕЛТА паведамілі ў прэс-службе беларускага лідара.

Дадзены заканатворчы акт накіраваны на ўзмацненне аховы паветранай прасторы Беларусі.
  
Устанаўліваецца адміністрацыйная адказнасць за незаконныя ўвоз на тэрыторыю Беларусі, захоўванне, абарот, эксплуатацыю або выраб грамадзянскіх беспілотных лятальных апаратаў.

Законам таксама ўстанаўліваецца крымінальная адказнасць за аналагічныя дзеянні, здзейсненыя паўторна пасля накладання адміністрацыйнага спагнання.

Асноўныя палажэнні закона ўступаюць у сілу праз 10 дзён пасля яго афіцыйнага апублікавання.

belta.by