Прэзідэнт Беларусі Аляксандр Лукашэнка на пасяджэнні Савета бяспекі заявіў аб мілітарызацыі заходніх краін і неабходнасці актуалізаваць абаронныя дзеянні, перадае карэспандэнт БЕЛТА.

Кіраўнік дзяржавы адзначыў, што ваеннай бяспецы і абароне дзяржавы надаецца вялікая ўвага. Гэта асабліва актуальна з улікам абстаноўкі ў свеце і мілітарызацыі Захаду. "Я не стану глыбока ўнікаць у праблему мілітарызацыі заходніх краін, асабліва дзяржаў, якія знаходзяцца паблізу нас, з якімі мы мяжуем. Вы гэту тэму добра ведаеце. Але мы не можам не бачыць гэту самую мабілізацыю і мілітарызацыю", - заявіў Аляксандр Лукашэнка.

Прэзідэнт указаў на Польшчу і Германію, а таксама невялікія дзяржавы, з якімі мяжуе Беларусь. "Яны не толькі павялічваюць ваенныя бюджэты, але і спрабуюць павялічыць армію прыкладна ў два разы. Устае простае зямное пытанне: калі нехта нешта робіць, значыць, яму для чагосьці гэта трэба. Не стануць гэтыя краіны проста так марнаваць велізарныя грошы на, як яны кажуць, процістаянне з Расіяй і Беларуссю", - упэўнены ён.

Пры гэтым, дадаў Аляксандр Лукашэнка,Прэзідэнт адзначыў, што ў заходніх краінах хапае ўнутраных праблем: "Народ бяднее, зачыняюцца радзільныя аддзяленні, бальніцы. Калі на адукацыю не хапае грошай, калі жыллёва-камунальныя паслугі растуць непамерна. Калі абразаюць электрычныя правады, па якіх цячэ танная электраэнергія".
З улікам сітуацыі, якая складваецца, і мілітарызацыі заходніх краін кіраўнік дзяржавы заявіў аб неабходнасці актуалізаваць абаронныя дзеянні Беларусі. "Мы бачым, што адбываецца вакол. Нам трэба актуалізаваць нашы абаронныя дзеянні для таго, каб усе бачылі (і перш за ўсё наш народ), што мы гатовыя абараняць кожны кавалачак нашай зямлі, - падкрэсліў Прэзідэнт. 

Кіраўнік дзяржавы прапанаваў разгледзець планаванне абароны Беларусі на 2026-2030 гады. Гэтае пытанне цесна звязана з сітуацыяй, якая складваецца на межах Беларусі. "Мы мужыкі. Мы павінны абараніць сваю краіну. І абараніць тое, што належыць, можа быць, ужо не нам, а нашым дзецям", - рэзюмаваў ён.

"Мы не хочам вайны, мы нікога не лічым сваімі праціўнікамі і супернікамі. Але тым не менш мы рыхтуемся да гэтай вайны, каб яе не было. Тысячу разоў пра гэта сказана. І мы пра гэта адкрыта і рашуча заяўляем. Нашы інтарэсы вельмі простыя. Яны не распаўсюджваюцца за межы нашых межаў. Усё ўнутры нашай дзяржавы", - сказаў Прэзідэнт.

Аляксандр Лукашэнка падкрэсліў, што пытанні абароны і бяспекі ў Беларусі разглядаюць як найважнейшы напрамак: "Таму было пастаўлена пытанне аб вяртанні нам ядзернай зброі, што мы і зрабілі. Аб размяшчэнні на баявым дзяжурстве самых сучасных комплексаў расійскай вытворчасці. Мы маем поўнае ўзаемаразуменне і падтрымку Расіі. Таму мы разам і будзем старацца абараніць нашу краіну".

"Мы ні на кога не збіраемся нападаць. Гэта не наша тэма. Дастаткова. Наваяваліся", - заявіў кіраўнік дзяржавы.

"Вы бачыце, якія сілы спрабуюць тарпедаваць, нават амерыканскія прапановы спрабуюць тарпедаваць па мірным дагаворы з Украінай. Я да таго, што калі нават удасца ўсталяваць мір сёння ці заўтра ва Украіне, нам ад гэтага лягчэй не стане. Нас будуць душыць і далей. І асабліва вось гэтыя дзяржавы… Не хачу іх абражаць, каб не пакрыўдзіць народ, які ў нас на поўначы ці паўночным захадзе", - сказаў кіраўнік беларускай дзяржавы.

"Больш-менш стабілізавалася сітуацыя на беларуска-ўкраінскай мяжы. Хоць там праблем вышэй даху. Учора мне наш галоўны памежнік (старшыня Дзяржаўнага памежнага камітэта. - Заўвага. БЕЛТА) дакладваў аб тым, што шмат пытанняў, якія трэба вырашаць у мабілізацыйным парадку і выбудоўваць мяжу, якая кінута з боку Украіны, і будаваць заставы, і ўзбройваць памежнікаў", - заявіў Аляксандр Лукашэнка.

Кіраўнік дзяржавы падкрэсліў, што Беларусь вітае перамовы па Украіне. "Як бы тут ні спрабавалі прынізіць ролю Трампа, ён малайчына ў гэтым плане. Учорашнія яго заявы міма народа не пройдуць. Ён хоча спыніць вайну, як ён кажа, для таго, каб не гінулі людзі. Можна вакол гэтага куролесіць і казаць што заўгодна. Але што скажаш супраць таго, што робяць сёння амерыканцы?" - заявіў Аляксандр Лукашэнка.

"Яны (шэраг заходніх суседзяў. - Заўвага. БЕЛТА) выбралі гэты шлях і думаюць, што прыедуць тут амерыканцы, на мяне ціснуць (ці яшчэ нейкія еўрапейцы). Слухайце, мы цалкам перабудаваліся. І калі мы будзем варушыцца, больш актыўна будзем працаваць у эканоміцы, пачынаючы ад Віцебскай вобласці і заканчваючы Гомельскай вобласцю, у нас увогуле не будзе праблем. Нас чакаюць у многіх кутках планеты з нашымі тэхналогіямі, нашымі таварамі. Таму калі мы крыху якасць падцягнем (хоць нам ніхто не ставіць прэтэнзій па якасці, але ўсё роўна над якасцю трэба працаваць), нам канкурэнтаў не будзе", - заявіў беларускі лідар.

Аляксандр Лукашэнка звярнуў увагу, што ў Літве цяпер "пачынаюць гвалтам крычаць" з нагоды аўтамабіляў, якія засталіся ў Беларусі пасля закрыцця мяжы Вільнюсам. "Калі яны (аўтамабілі. - Заўвага. БЕЛТА) валяюцца на абочыне дарогі, можа, у Літве гэта нармальна. У нас гэта непрымальна. Мы іх размясцілі на стаянках, ахоўваем, каб ніхто не ўлез у гэтыя аўтамабілі, каб груз захаваўся, - падкрэсліў Прэзідэнт. - Не трэба "на дурніцу" крычаць гвалтам і шумець. Не трэба прыцягваць амерыканцаў, расіян ці ўкраінцаў. Гэты нумар не пройдзе. Гэтая тэма ляжыць у плоскасці нашых перамоваў і нашых адносін".

Кіраўнік дзяржавы запэўніў, што Беларусь гатова выбудоўваць нармальныя адносіны па ўсіх напрамках. "Мы з народам Літвы заўсёды дамовімся. Як і з палякамі. Гэта нашы людзі. А калі хочаце нармальных адносін - садзьцеся за стол перамоваў і абмяркоўвайце гэтыя праблемы. Мы да гэтага гатовыя. Іншых варыянтаў няма", - заявіў беларускі лідар.

Кіраўнік дзяржавы запэўніў, што Беларусь гатова выбудоўваць нармальныя адносіны па ўсіх напрамках. "Мы з народам Літвы заўсёды дамовімся. Як і з палякамі. Гэта нашы людзі. А калі хочаце нармальных адносін - садзьцеся за стол перамоваў і абмяркоўвайце гэтыя праблемы. Мы да гэтага гатовыя. Іншых варыянтаў няма", - заявіў беларускі лідар.

Кіраўнік дзяржавы, спыняючыся на тэме шароў з цыгарэтамі, якія лятаюць то ў Літву, то з Літвы, заявіў, што за гэты час адбылося сур'ёзнае абмеркаванне пытання, аж да прыцягнення пілотаў грамадзянскай авіяцыі. Было адзначана, што абвінавачванні, якія вылучае Літва, рэчаіснасці не адпавядаюць.
"Тое, што нам сёння выстаўляюць літоўцы, - гэта немаг