Надзорна-прафілактычныя мерапрыемствы на аб'ектах будаўніцтва Бешанковіцкага раёна

З мэтай папярэджання надзвычайных сітуацый на аб'ектах будаўніцтва Бешанковіцкага раёна работнікамі Бешанковіцкага раённага аддзела па надзвычайных сітуацыях (далей – РАНС) у перыяд з 28.02.2022 па 18.03.2022 года праведзены комплекс наглядных прафілактычных мерапрыемстваў (мерапрыемствы тэхнічнага характару, рэйды, гутаркі, інструктажы работнікаў і г.п.).

За мінулы перыяд 2022 года работнікамі РАНС выдадзена 2 заключэнні аб адпаведнасці прад'яўленым патрабаванням аб'ектаў будаўніцтва, размешчаных на тэрыторыі раёна (такія як: 3 пускавыя комплексы «Капітальны рамонт з мадэрнізацыяй ДУА «Астроўненскі дзіцячы сад-сярэдняя школа Бешанковіцкага раёна», размешчанага па адрасе: Віцебская вобласць, Бешанковіцкі раён, а.г.Астроўна, вул.Надазёрная, 17»; «Капітальны рамонт з элементамі мадэрнізацыі ДУА «Сярэдняя школа № 1 г.п. Бешанковічы», размешчанага па адрасе: г.п. Бешанковічы, вул.Толстага, 4»), на 3 аб'ектах у цяперашні час вядуцца будаўніча-мантажныя работы, яшчэ на 4 аб'ектах будаўніцтва работы замарожаны, каля 20 аб'ектаў, дзе кампетэнтнымі органамі выдадзены дазволы на праектаванне і будаўніцтва, але работы яшчэ не пачаты.

Даведачна:

За мінулы перыяд 2022 года работнікамі РАНС пры правядзенні нагляднай работы пры праверцы толькі праектна-каштарыснай дакументацыі па 1 з аб'ектаў будаўніцтва, што стаяць на ўліку, вынесена прадпісанне, у якім да ліквідацыі прадпісана 17 парушэнняў, будаўніча-мантажныя работы на аб'екце пры гэтым не вяліся.

Найбольш распаўсюджанымі парушэннямі на аб'ектах будаўніцтва з 2021 года з'яўляліся парушэнні рэжымнага характару, дапушчаныя забудоўшчыкамі (уласнікамі, якія вядуць будаўніцтва гаспадарчым спосабам) або падраднымі арганізацыямі, а менавіта:

забеспячэнне першаснымі сродкамі пажаратушэння;

захламленасць тэрыторыі гаручым смеццем і будаўнічымі адходамі;

курэнне па-за спецыяльна адведзенымі месцамі;

наяўнасць ацяпляльных печаў у вагон-бытоўках, што не адпавядаюць прад'яўленым патрабаванням;

складоўванне (захоўванне) гаручых матэрыялаў (будаўнічых канструкцый) у межах устаноўленых проціпажарных разрываў і г.п.

Яшчэ раз хочацца нагадаць аб няўхільным выкананні патрабаванняў нарматыўных дакументаў у галіне пажарнай бяспекі, як пры правядзенні будаўніча-мантажных работ, так і пры праектаванні дадзеных аб'ектаў. 

Уласнікам аб'ектаў будаўніцтва (забудоўшчыкам) з мэтай папярэджання магчымых надзвычайных сітуацый, а таксама праблем пры прыёмцы аб'екта будаўніцтва ў эксплуатацыю рэкамендуем прааналізаваць ход правядзення будаўніча-мантажных работ і праектавання, у выпадку ўзнікнення нейкіх пытанняў звярнуцца за кансультацыяй у кампетэнтны орган.

Старшы інспектар СНiП 

Бешанковіцкага РАНС Мілашкін А.А.