З мэтай папярэджання надзвычайных сітуацый на аб'ектах будаўніцтва Бешанковіцкага раёна работнікамі Бешанковіцкага раённага аддзела па надзвычайных сітуацыях (далей – РОНС) у перыяд з 20 кастрычніка па 21 лістапада 2025 года праведзены комплекс наглядных прафілактычных мерапрыемстваў (мерапрыемствы тэхнічнага характару, рэйды, гутаркі, інструктажы работнікаў і г.п.) на аб'ектах будаўніцтва раёна.

На 5 аб'ектах у цяперашні час вядуцца будаўніча-мантажныя работы. За мінулы перыяд работнікамі РОНС прынята ў эксплуатацыю 8 аб'ектаў будаўніцтва і 6 установак пажарнай аўтаматыкі.

Найбольш распаўсюджанымі парушэннямі на аб'ектах будаўніцтва ў 2025 годзе з'яўляліся парушэнні рэжымнага характару, дапушчаныя падраднымі арганізацыямі, а менавіта:

забеспячэнне першаснымі сродкамі пажаратушэння будаўнічых будынкаў, тэрыторыі і бытавых памяшканняў (адсутнічалі або меліся не ў поўным аб'ёме);

засмечанасць тэрыторыі гаручым смеццем і будаўнічымі адходамі;

складанне (захоўванне) гаручых матэрыялаў (будаўнічых канструкцый) у межах устаноўленых проціпажарных разрываў і г.п.

Парушэнні генпадраднымі будаўнічымі арганізацыямі ўхіляліся як правіла пасля вынясення адпаведных прадпісанняў, што ў першую чаргу было абумоўлена размяшчэннем будаўнічых арганізацый за межамі раёна.

Яшчэ раз хочацца нагадаць аб няўхільным выкананні патрабаванняў нарматыўных дакументаў у галіне пажарнай бяспекі, як пры правядзенні будаўніча-мантажных работ, так і пры праектаванні дадзеных аб'ектаў.

Уладальнікам аб'ектаў будаўніцтва (забудоўшчыкам) з мэтай папярэджання магчымых надзвычайных сітуацый, а таксама праблем пры прыёмцы аб'екта будаўніцтва ў эксплуатацыю рэкамендуем прааналізаваць ход правядзення будаўніча-мантажных работ і праектавання, у выпадку ўзнікнення якіх-небудзь пытанняў звярнуцца за кансультацыяй у кампетэнтны орган.

 

 

Намеснік начальніка

Бешанковіцкага РАНС Чаплінскі П.Г.