У Віцебскай вобласці збор спаганяецца за перасячэнне транспартным сродкам Дзяржаўнай мяжы пры выездзе з краіны ў пунктах пропуску на мяжы з Латвійскай і Літоўскай рэспублікамі.

Стаўка збору ўстаноўлена ў памеры 1 (адной) базавай велічыні за перасячэнне мяжы адным транспартным сродкам, тэхнічна максімальная маса якога не перавышае 5 тон, незалежна ад колькасці пасажыраў у гэтым транспартным сродку.

Дакумент, які пацвярджае выплату збору, прад'яўляецца ў пунктах пропуску кіроўцам транспартнага сродку, які належыць арганізацыі або фізічнай асобе, у тым ліку зарэгістраванай у якасці індывідуальнага прадпрымальніка.

Ільготы па зборы

У пункце 7 артыкула 4 Закона Рэспублікі Беларусь ад 29 снежня 2020 г. № 72-З “Аб змяненні Падатковага кодэкса Рэспублікі Беларусь” (далей – Закон № 72) вызначаны катэгорыі асоб, якія вызваляюцца ад выплаты збору пры перасячэнні на транспартным сродку Дзяржаўнай мяжы Рэспублікі Беларусь.

Акрамя таго, рашэннем Віцебскага абласнога Савета дэпутатаў ад 30 снежня 2024 г. № 69 ”Аб мясцовым зборы“ дадаткова вызвалены ад выплаты збору транспартныя сродкі, якія перасякаюць Дзяржаўную мяжу Рэспублікі Беларусь у пунктах пропуску на тэрыторыі Віцебскай вобласці, на якіх следуюць:

прадстаўнікі дзяржаўных органаў Рэспублікі Беларусь у мэтах выканання службовых абавязкаў пры наяўнасці пацвярджаючых дакументаў;

замежныя грамадзяне і асобы без грамадзянства, якія прыбылі ў Рэспубліку Беларусь па запрашэнні дзяржаўных органаў, дзяржаўных арганізацый, пры наяўнасці пацвярджаючых дакументаў;

замежныя грамадзяне і асобы без грамадзянства, для якіх устаноўлены бяспошлінны парадак уезду ў Рэспубліку Беларусь і выезду з яе ў сувязі з правядзеннем Міжнароднага фестывалю мастацтваў ”Славянскі базар у Віцебску“, пры наяўнасці арыгінальных або электронных білетаў на мерапрыемствы гэтага фестывалю ў Летнім амфітэатры або канцэртнай зале ”Віцебск“;

ветэраны Вялікай Айчыннай вайны, ветэраны баявых дзеянняў на тэрыторыі іншых дзяржаў пры наяўнасці пацвярджаючых дакументаў, выдадзеных кампетэнтнымі органамі Рэспублікі Беларусь, а таксама асобы, якія суправаджаюць інвалідаў баявых дзеянняў на тэрыторыі іншых дзяржаў;

замежныя грамадзяне і асобы без грамадзянства, якія следуюць па дакументах, што пацвярджаюць ступень цяжкасці і выяўленасці абмежаванняў фізічнай актыўнасці і ўдзелу 75–100 працэнтаў, выдадзеных кампетэнтнымі органамі дзяржавы грамадзянскай прыналежнасці альбо звычайнага месца жыхарства замежнага грамадзяніна або асобы без грамадзянства;

асобы, якія выязджаюць з Рэспублікі Беларусь для атрымання медыцынскай дапамогі пры наяўнасці дакументаў (копій дакументаў) прымаючай медыцынскай арганізацыі або Міністэрства аховы здароўя альбо пасля атрымання медыцынскай дапамогі пры наяўнасці дакументаў (копій дакументаў) арганізацыі аховы здароўя Рэспублікі Беларусь, а таксама асобы, якія іх суправаджаюць;

замежныя грамадзяне, якія выязджаюць пасля знаходжання ў санаторна-курортных і аздараўленчых арганізацыях Рэспублікі Беларусь, пры наяўнасці пацвярджаючых дакументаў;

грамадзяне Рэспублікі Беларусь, якія выязджаюць для ажыццяўлення догляду за членамі сям'і і (або) блізкімі сваякамі ў сувязі з іх цяжкай хваробай, а таксама грамадзяне Рэспублікі Беларусь, замежныя грамадзяне і асобы без грамадзянства, якія вяртаюцца да месца пастаяннага пражывання пасля ажыццяўлення догляду за членамі сям'і і (або) блізкімі сваякамі ў сувязі з іх цяжкай хваробай, пры наяўнасці пацвярджаючых дакументаў;

замежныя грамадзяне і асобы без грамадзянства, якія выязджаюць з Рэспублікі Беларусь пасля пахавання членаў сям'і або блізкіх сваякоў, пры наяўнасці пацвярджаючых дакументаў;

асобы, якія ажыццяўляюць перавозку гемапаэтычных стваловых клетак, органаў і (або) тканак чалавека для трансплантацыі;

асобы, якія выязджаюць з Рэспублікі Беларусь па пастановах аб накладанні адміністрацыйнага спагнання ў выглядзе дэпартацыі, аб высылцы, пры наяўнасці пацвярджаючых дакументаў.

Аб парадку выплаты збору

Збор выплачваецца ў даход Віцебскага абласнога бюджэту (калі пункты пропуску праз Дзяржаўную мяжу Рэспублікі Беларусь размешчаны ў Віцебскай вобласці).

У выпадку, калі месца знаходжання пункта пропуску, праз які перасякаецца Дзяржаўная мяжа Рэспублікі Беларусь, размешчана ў Віцебскай вобласці, а збор выплачаны ў абласны бюджэт любой іншай вобласці, збор не з'яўляецца выплачаным.

Аплата збору ажыццяўляецца на бягучы казначэйскі рахунак па ўліку сродкаў Віцебскага абласнога бюджэту па наступных рэквізітах:

разліковы рахунак BY37 AKBB 3600 3010 0002 0000 0000 г. Мінск, ААТ ”АСБ Беларусбанк“, БІК AKBBBY2X, бенефіцыяр – Галоўнае ўпраўленне Міністэрства фінансаў Рэспублікі Беларусь па Віцебскай вобласці, УНП бенефіцыяра 300594330, фактычны бенефіцыяр – Галоўнае фінансавае ўпраўленне Віцебскага аблвыканкама, УНП фактычнага бенефіцыяра 300002612. Код плацяжу ў бюджэт 03110 ”Збор за перасячэнне транспартнымі сродкамі Дзяржаўнай мяжы Рэспублікі Беларусь“.

Аплата збору ажыццяўляецца ў беларускіх рублях да перасячэння дзяржаўнай мяжы (загадзя), або пры перасячэнні мяжы ў пунктах пропуску зыходзячы з памеру базавай велічыні, што дзейнічае на дату аплаты.

Дакумент аб аплаце збору прад'яўляецца кіроўцам транспартнага сродку ў пункце пропуску супрацоўніку органаў памежнай службы або службовай асобе мытнага органа (за выключэннем выпадкаў, калі транспартны сродак вызвалены ад аплаты збору). Дакумент можна прад'яўляць у папяровым або электронным выглядзе.

Дадзены дакумент павінен утрымліваць наступную інфармацыю: найменне арганізацыі і (або) прозвішча, уласнае імя, імя па бацьку (калі такое маецца) плацельшчыка, сума і дата аплаты, рэгістрацыйны нумар транспартнага сродку, які перасякае мяжу, прызначэнне плацяжу.

Аплаціць збор можна ў аддзяленнях РУП ”Белпошта“ і крэдытна-фінансавых арганізацый (у касе банка, банкамаце, плацежна-даведачным тэрмінале, інфакіёску, інтэрнэт-банкінгу, мабільным банкінгу). Калі плацёж ажыццяўляецца ў касе банка, паведаміце аб неабходнасці правядзення плацяжу праз сістэму ”Разлік“ (ЕРИП).

У сістэме ”Разлік“ (АРІП) неабходна паслядоўна выбраць наступныя ўкладкі: Адміністрацыйныя працэдуры, дзяржпошліна, зборы/ Збор за перасячэнне мяжы Рэспублікі Беларусь/ Віцебскі аблвыканкам ГФУ/ Збор за перасячэнне мяжы.

Пры выплаце збору ў электронным выглядзе (з выкарыстаннем аб'ектаў праграмна-тэхнічнай інфраструктуры і сістэм дыстанцыйнага банкаўскага абслугоўвання) у пункце пропуску неабходна прадставіць карт-чэк, сфарміраваны на папяровым носьбіце або ў электронным выглядзе.

Пры пералічэнні сумы збору з рахунку арганізацыі або індывідуальнага прадпрымальніка ў пункце пропуску неабходна прадставіць дадатковы экземпляр плацежнай інструкцыі, экземпляр плацежнай інструкцыі, складзеныя на папяровым носьбіце пры ажыццяўленні электронных плацяжоў, з адзнакай банка аб іх выкананні. Пры гэтым у адзнацы банка павінны ўтрымлівацца: дата выканання плацежнай інструкцыі, арыгінальны штэмпель банка і подпіс адказнага выканаўцы.

Парадак вяртання залішне (памылкова) выплачанага збору з абласнога бюджэту.

Звяртаем увагу, што заява аб вяртанні залішне (памылкова) выплачанага збору з абласнога бюджэту не з'яўляецца зваротам, не падлягае падачы праз дзяржаўную адзіную (інтэграваную) рэспубліканскую інфармацыйную сістэму ўліку і апрацоўкі зваротаў грамадзян і юрыдычных асоб і разгляду ў парадку, устаноўленым заканадаўствам аб зваротах грамадзян і юрыдычных асоб.

У адпаведнасці з пунктам 21 Інструкцыі аб парадку выканання мясцовых бюджэтаў па даходах, зацверджанай пастановай Міністэрства фінансаў Рэспублікі Беларусь і Праўлення Нацыянальнага банка Рэспублікі Беларусь ад 23 снежня 2005 г. № 159/176 (далей – Інструкцыя), вяртанне плацяжоў ажыццяўляецца на працягу 5 рабочых дзён з дня атрымання дакументаў, якія з'яўляюцца падставай для вяртання – пісьмовай заявы плацельшчыка, да якой прыкладаюцца дакументы, якія з'яўляюцца падставай для вяртання: дакументы, якія пацвярджаюць выплату грашовых сродкаў у мясцовы бюджэт, і дакумент, які выдаецца арганізацыяй, што ажыццяўляе кантроль за выплатай дадзенага плацяжу, у якім пазначаюцца абставіны, якія з'яўляюцца падставай для поўнага або частковага вяртання плацяжу. У заяве пазначаюцца банкаўскія рэквізіты для пералічэння грашовых сродкаў з бюджэту.

Згодна з пунктам 25 Інструкцыі пры адсутнасці ў плацельшчыка-фізічнай асобы рахунку магчыма вяртанне на рахунак адасобленага (структурнага) падраздзялення ААТ ”АСБ Беларусбанк“ па ўліку сродкаў у разліках для выплаты наяўных грашовых сродкаў з касы банка. Не запатрабаваныя фізічнай асобай грашовыя сродкі і не выплачаныя на працягу месяца з касы ААТ ”АСБ Беларусбанк“, залічаныя ў банк для вяртання плацельшчыку – фізічнай асобе, падлягаюць пералічэнню ў даход адпаведнага мясцовага бюджэту.

Згодна з пунктам 26 Інструкцыі для ажыццяўлення вяртання плацяжоў фізічнай асобе з касы банка галоўнае фінансавае ўпраўленне Віцебскага абласнога выканаўчага камітэта (далей – галоўнае фінансавае ўпраўленне аблвыканкама) павінна прадставіць у Галоўнае ўпраўленне Міністэрства фінансаў Рэспублікі Беларусь па Віцебскай вобласці плацежнае даручэнне на перавод грашовых сродкаў банку-атрымальніку, у якім пазначаюцца прозвішча, уласнае імя, імя па бацьку (калі такое маецца) і рэквізіты дакумента, які сведчыць асобу фізічнай асобы.

Згодна з пунктам 28 Інструкцыі падлягаюць пералічэнню ў даход адпаведнага мясцовага бюджэту грашовыя сродкі, залічаныя ў банк-атрымальнік для вяртання плацельшчыку – фізічнай асобе: не запатрабаваныя фізічнай асобай і не выплачаныя з касы ААТ ”АСБ Беларусбанк“ на працягу 30 рабочых дзён з дня іх паступлення.

У адпаведнасці з пунктам 3 артыкула 4, часткай другой пункта 10 Закона № 72 плацельшчыкамі збору прызнаюцца кіроўцы транспартных сродкаў, якія належаць арганізацыям або фізічным асобам, у тым ліку зарэгістраваным у якасці індывідуальных прадпрымальнікаў, і якія перасякаюць Дзяржаўную мяжу Рэспублікі Беларусь у пунктах пропуску.

Для прыняцця рашэння аб вяртанні збору з абласнога бюджэту плацельшчыкам збору ў галоўнае фінансавае ўпраўленне аблвыканкама прадстаўляюцца наступныя дакументы:

1. Пісьмовая заява плацельшчыка збору з асабістым подпісам на імя начальніка галоўнага фінансавага ўпраўлення аблвыканкама (узор прыкладаецца).

У заяве ў банкаўскіх рэквізітах для залічэння грашовых сродкаў пазначаецца нумар карт-рахунку, які належыць плацельшчыку (у

У выпадку адсутнасці ў плацельшчыка – фізічнай асобы карт-рахунку магчыма выплата наяўных грашовых сродкаў з касы ААТ ”АСБ Беларусбанк“. Не запатрабаваныя фізічнай асобай на працягу 30 рабочых дзён і не выплачаныя з касы ААТ ”АСБ Беларусбанк“ грашовыя сродкі, залічаныя ў банк для вяртання плацельшчыку – фізічнай асобе, падлягаюць пералічэнню ў даход Віцебскага абласнога бюджэту. Выплату наяўных грашовых сродкаў з касы ААТ ”АСБ Беларусбанк“ у г.Віцебск ажыццяўляе аддзяленне № 200/2024 па адрасе: вул. Смаленская, д. 9А, а таксама аддзяленні ААТ ”АСБ Беларусбанк“ у раённых цэнтрах Віцебскай вобласці. У выпадку, калі плацельшчык – фізічная асоба пазначае ў заяве атрыманне грашовых сродкаў з касы банка ў аддзяленні ААТ ”АСБ Беларусбанк“ у іншых населеных пунктах Рэспублікі Беларусь, магчымасць выплаты наяўных грашовых сродкаў з касы дадзенага банка ўдакладняецца плацельшчыкам у выбраным аддзяленні банка самастойна з пазначэннем у заяве нумара аддзялення ААТ ”АСБ Беларусбанк“ і яго адрасу (алгарытм пошуку аддзяленняў банка на сайце ААТ ”АСБ Беларусбанк“ прыкладаецца);

2. Копія пашпарта або іншага дакумента, які сведчыць асобу грамадзяніна Рэспублікі Беларусь (старонкі 31–33), копія пашпарта або іншага дакумента, які сведчыць асобу замежнага грамадзяніна, які пастаянна не пражывае ў Рэспубліцы Беларусь.

3. Копія тэхнічнага пашпарта на аўтамабіль (з двух бакоў).

4. Звесткі аб выплаце збору (квітанцыя, касавы чэк, карт-чэк і г.п.).

У выпадку, калі за вяртаннем збору звяртаецца фізічная асоба, якая не з'яўляецца плацельшчыкам збору, дадаткова прадстаўляецца даверанасць на атрыманне названых грашовых сродкаў, аформленая ва ўстаноўленым парадку.

Заява і дакументы па вяртанні збору прадстаўляюцца ў галоўнае фінансавае ўпраўленне аблвыканкама асабіста (нарачным, кур'ерам), паштовай сувяззю (паштовы адрас: вул. Гогаля, д. 6, г. Віцебск, 210029).

Рашэнне аб вяртанні збору прымаецца галоўным фінансавым упраўленнем аблвыканкама на працягу 5 рабочых дзён з моманту атрымання дакументаў. У выпадках, калі рашэнне па вяртанні не можа быць прынята, галоўнае фінансавае ўпраўленне аблвыканкама паведамляе плацельшчыка пісьмова па адрасе, пазначаным у заяве.

vitebsk-region.gov.by